Dedicated to mimmii… Umeed hai aap sab ko pasand ayegi … !
**
Dasht-e-hijraan mein na saaya na sada tere baad
Kitne tanha hain tere aablaa-paa tere baad
Koi paighaam na dildar-e-nawaa tere baad
Khaak uraati huwi guzree hai saba tere baad
Lab pe ek harf-e-talab thaa, na raha tere baad
Dil mein taseer ki khwahish na dua tere baad
Aks-o-aaeenaa mein ab rabt ho kya tere baad
Hum tu phirte hain khud apne se khafa tere baad
Dhoop aariz ki na zulfoon ki ghata tere baad
Hijar ki rutt hai ke mohabs ki fizaa tere baad
Leye phirti hai sar-e-kooy-e-jafa tere baad
Parcham-e-taar-e-garebaan ko hawa tere baad
Pairhan apna salaamat na qaba tere baad
Bas wohi hum wohi sehra ki rida tere baad
Nikhatt-o-nay hai tah-e-dast-e-qaza tere baad
Shaakh-e-jaan per koi guncha na khila tere baad
Dil na mehtaab se uljha na jala tere baad
Aik jugnoo thaa ke chup chaap bhujha tere baad
Kaun rangoo ke bhanwar kaisi hina tere baad
Apna khoon apni hatheli pe saja tere baad
Dard seenay mein huwa nauha sara tere baad
Dil ki dharkan hai ke maatam ki sada tere baad
Aik hum haik e hain be-barg-o-nawa tere baad
Warna abaad hai sab khalq-e-Khuda tere baad
Ek qayyamat ki khirashain mere chehre pe sajeen
Aik mehshar mein ander se utha tere baad
Tujh se bichra hoon tu murjha ke hawa burd hawa
Kaun deta hai mujhe khilne ki dua tere baad
Ay falak naaz, meri khaak nishaani teri
Mein ne mitti pe tera naam likha tere baad
Tu ke simta tu rag-e-jaan ki hadoon mein simta
Mein ke bikhra tu samaita na gaya tere baad
Milne wale kai mafhoom pehan kar aaye
Koi chehra bhi na aankhoo ne parha tere baad
Bujhte jaate hain khad-o-khaal, manazir, aafaaq
Phailta jaata hai khwaahish ka khala tere baad
Yeh alag baat ke afshaa na huwa tu warna
Mein ne kitna tujhe mehsoos kiya tere baad
Meri dukhti huwi aankhoon se gawaahi laina
Mein ne socha tujhe apne siwa tere baad
Seh liya dil ne tere baad malamat ka azaab
Warna chubhti hai rag-e-jaan mein hawa tere baad
Jaan-e-Mohsin meri haasil yeh mubham satrain
Shair kehne ka hunar bhool gaya tere baad**
[Mohsin Naqvi]
