gham badhe aate haiN qaaTil kee nigahoN ki tarah
tum chupa lo muJhe ae dosth gunahoN ki tarah
apni nazroN meiN gunehgaar na hote kyoon kar
dil hi dushman hai mukhalif ke gawahoN ki tarah
har taraf zeest ki raahoN mein kaDi dhoop hai dost
\bas teri yaad ke saaye haiN panahoN ki tarah
jinki khaatir kabhi ilzaam uThaye ‘faakir’
wo bhi pesh aaye hain insaaf ke shaaHoN ki tarah