Woh…
Woh muhabbat ko parstish ka muqaam deta thaa
Aur guzre qisoon ko ibaadat ka darja samajhta thaa
Kehta thaa muhabbat mein koi gharz posheeda nahee hoti
Muhabbat tu begharz aur lafaani hoti hai
Kuch ajeeb falsaffa muhabbat mein us ka thaa ke
Woh meri muhabbat ka taalib bhi thaa
Aur mein ussay matloob bhi na thee
Kehta thaa ke mein us ki rooh mein jazb hoon aise
Ke mujh ko paane ki us ko hasrat bhi nahee
Ajeeb shaks thaa kuch ajeeb se us ki kahaani thee
Yeh daur ab aisi muhabbatoon ka nahee raha
Millan ke baghair muhabbatoon ka kya tassavur hai
Deed ke baghair chaahatoon ka kya rang hai
Yeh daur tu faqat aghraaz per mabni hai
Meri muhabbat bhi sirf chaar din ki kahaani thee
Koi gaari ek hi station per hamesha nahee rukti
Wakt ke saath khayalaat badalte jaate hain
Muhabbat baaqi rehti hai mehboob badalte jaatay hain
Mein ne chaaha ke khayalaat us ke badal daaloon aur
Muhabbat ki haqeeqi tasveer dikha doon us ko
Woh muhabbat ka pujaari thaa mein ne
Us ko tanhaee ki saza de daali
Mujhe yaqeen hai woh sota tu hoga magar
Neend us ki aankhoon mein na utarti hogi
Mehfil mein woh muskuraata tu hoga magar
Us tabassum mein ek teess si uth’tee hogi
Aankh mein aansoo tu nazar na aatay honge
Palkoon tallay ek baarish zaroor hoti hogi
Meri yaad tu us ki khoon ki gardish ki saathi thee
Dil dharakta tu hoga magar ek aah bhi nikalti hogi
Kyon sochti hoon yeh sab kuch main
Jo taaluq thaa woh tu mein ne torr diya
Woh zinda rahe na rahe mujh is se kya
Us ki saans rukey ya chale mujhe kya laina
Mere leye tu faqat yehi kaafi hai ke
Mein aik duniya dar larki aur
Woh kisi aur duniya ka baasi thaa…
Re: ~ Dil dharakta tu hoga magar ek aah bhi nikalti hogi ~
Achi nazm hey zawanfira:k:…thanx for sharing 
Re: ~ Dil dharakta tu hoga magar ek aah bhi nikalti hogi ~
:k::k:
very real and sensible
Re: ~ Dil dharakta tu hoga magar ek aah bhi nikalti hogi ~
bohat he khobsorat … aur kisi haqeeqat pasnd shair ki tahreer…agar aap shair ka naam bhi likh dien to bohat mashkoor hongi.thnx for sharing such a nice poetry…its awesome