Dhuaan Gosht Recipe:-
Ingredients: Mutton 1/2 kgYogurt - 1/2 kg
Onion - 1/2 kg
Garlic - 50 grams (1 chattank)
Ginger - 50 grams (1 chattank)
Mint/Podina - 1 guti
Green chilli - 5
Salt & Pepper - Hasb-e-Zarurat
Oil or Ghee - 1/4 kg
Pisa Dhaniya - 1 tea spoon
Basi roti ka aik tukra
Koyla - 1 bara sa..
Recipe: 1 pao pyaz, lehsan aur adrak ko bareek pees lein..
Gosht ko dho ker isme ye pisa hua 1 pao pyaz, adrak aur lehsan, nimak, mirch aur pisa dhaniya daal ker 2 pyali paani daal ker pakne dein..
Jab paani khushk hojaye to ghee daal ker khoob achi tarha bhoon lein.. takay ghee/oil ki smell na rahay.. yani kacha-pan na rahe aur gosht ghee chorne lagay..
Dahi ko phaint lein.. (Dahi khatti na ho)..
Baqi pyaz ko bareek bareek kaat lein..
Podinay ke pattay dho ker bareek kaat lein aur hari mirchein bhi kuttar lein..
Pyaz, podina aur hari mirchein ikathi mila dein..
Gosht jo bhuna hua hai usme dahi ki aik teyyhh(layer) lagaein..
Dusri teyyhh pyaz, mirchein aur podinay ki lagaein..
Phir dobara dahi ki teyyhh..
Phir dobara pyar aur podinay ki teyyhh..
Ab iske upar roti ka baasi tukra rakhein..
Us roti ke upar dehakta(red hot) hua aik bara koyla rakhein.. (jo pehle se chulhay per dehakne ke liye chora ho)…
Ab us koyle ke upar thora sa ghee/oil gira dein.. jab dhuaan uthne lagay to foran degchi ka dhakan de kar band ker dein..
5 minutes ke baad dhakan khol ker ehteyaat se koyla aur roti nikaal lein..
Dhuaan gosht is ready…