Ub bhi hamain woh ghataain yaad ati hain
Dharti maan ki woh sadaain yaad ati hain
Woh rataain jo is pak sarzameen per guzrin
unhi raaton ki thandi hawaain yaad ati hain
Ghar se dur main kisi aur dees betha hun
Apney watan ki mo-attar fazaain yaad ati hain
Woh jin ko piyaar hai is ghareeb-ul-watani se
Un ko bhi aksar apni maain yaad ati hain
Wahan ke paniyon main jo mohabbat pinha hai
Udhar ki must mojon ki adaain yaad ati hain
Jis ne mohabbat main watan ki jaan tuk de di
Us mard-e-momin ki wafaain yaad ati hain
Tum ko is matti ki kasam laut ao ehsaas!
Tumhain di hui woh sub sazaain yaad ati hain
- ~~ Nadeem Qadir Ehsaas ~~
