Diyar-e-noor mein teera shabooN ka sathi ho
Koyi to ho jo meri wehshatooN ka sathi ho
Main us sy jhoot bhi bolooN to muj sy sach boly
Mery mizaaj ky sab mousamoom ka sathi ho
Main us ky hath nah aaooN woh mera ho ky rahy
Main girr parhooN to meri pastiyooN ka sathi ho
Woh mery naam ki nisbat sy muhtabir thehry
Gali gali meri ruswaiyooN ka sathi ho
Kary kalaam jo muj sy to mery lehjy mein
Main chupp rahooN to mery tayewarooN ka sathi ho
Main apny aap ko dekhooN woh muj ko dekhy jaye
Woh mery nafs ki gumrahiyaaN ka sathi ho
Woh khwaab dekhy to dekhy mery khawaly sy
Mery kheyaal ky sab manzarooN ka sathi ho