DEPRESSION
Aankh khuli to har taraf tha murdaNgi ka nizaam
Aatshi bosay day rahi thiN jaisay sooraj ki shuaaiN
Nohagar thay jaisay subah ki thaNdi hawa kay JhoNkay
Har phool maiN tha bharaa jaisay gehray sog ka rang
Fazaa maiN jal rahi thiN jaisay har soo chitaaiN
Rooh pay chirak diya ho jaisay kisi nay bekasi ka tezaab
Badan kay har por maiN thi jaisay meeloN ki thakaan
Wajood shdeed afsurdgi maiN tha girftaar
Aur teergi dil-o-jaaN ki barhi jaati thi
Dil-o-dimaagh pay ik wehshat si charhi jaati thi
Hayaat inthaa bezaar si hui jaati thi
Pakar main nahi aa raha tha is zulmat ka koi sira
Raqsfarma tha j khud jaisay roosiyaah Iblees
Kya karuN kay karuN
Is dil ki wahshat ka maiN kya karuN?
Kya karuN kya karuN
Ta-ufaq phailee is dehshat ka maiN kya karuN?
Kya karuN?
Meanings:
Nizaam-BaNdobast), Aatshi-aag say bharay huay, Shdeed- intense, Afsurdgi-udaasi,Teergi-andhiara,Hyaat-ZiNdagi,Raqsfarma- nachtaa hui, Roosiyah-black face, Iblees- devil