Maal-e-soz-e-gham haaye nihaani dekhte jaao
bharakh uthi hai shamma-e-zindagani dekhte jaao
chale bhi aao wo hai qabr-e-Fani dekhte jaao
tum apne marne waale ki nishaani dekhte jaao
abhi kya hai kisi din khoo’n rulaayegi ye khamoshi
zubaan-e-haal ki jadd-o-bayaani dekhte jaao
garuur-e-husn ka sadqa koee jaata hai dunya se
kisi ki khaak mein milti jawani dekhte jaao
udhar muuh pher kar kya zibha karte ho idhar dekho
meri gardan pe khanjar ki rawani dekhte jaao
sune jaate na thay tum se mere din raat ke shikwe
kafan sarkaao meri be-zubaani dekhte jaao
By: Fani Badayuni