**yeh umar tumhari aisi hai
jub aasman se tare tor ker lana bhi
sach much mumkin lagta hai
shehr ka her abad ilaqa
apna angan lagta hai
yun lagta hai jaise her din
her ik manzir
tum se ijazat le ker apni shakil muayin kerta hai
jo chaho woh ho jata hai
jo socho woh ho sakta hai
lekin e is kachi umar ki barish main mastnana phirti chalchal larki!
ik saya hai yeh
tum se pehle aur tumhare baad k her ik mosam main yeh
dhoke banta phirta hai
subah azal se sham abad tak
aik hi khail aur aik hi manzar
daikhne wali ankhon ko her baar dikhaya jata hai
e sapnon ki sej per sone jagne wali pyaari larki !!
tere khawab jiyen
lekin itna dheyan main rakhna jeewan k is khawab sara k sare manzir
waqt k qaidi hote hain
jo apni ro
main in ko saath liye chalta hai, mahmeez kiye jata hai
aur dekhne wali ankhain peeche reh jati hain
DEKHO JAISE MERI ANKHAIN
**
PK