^^^^^^^^^^
Nigah e Dehar Ko Yeh Mu’ajzaa Dekhayaa Gayaa
Lahoo Ki Dhaar Say Qasr e Sitam Ko Dhayaa Gayaa
Jo Ahal Thay Faqat Unko Hee Aazmayaa Gayaa
Har Aik Shakhs Say Kab Baar e Ishq Utthayaa Gayaa
Hain Door Is Liay Manzil Say Kaarvaa’n Waalay
Inhain Hamaysha Nayaa Raastaa Dekhayaa Gayaa
Nigah Rakhtay Thay Laykin Nazar Na Aata Thaa
Na Janay Hum Ko Yeh Kis Roshni Main Layaa Gayaa
Yeh Sanihaa Bhi Mray Saath Paish Aayaa Hay
Mraa Hareef Mraa Humsafar Banayaa Gayaa
Tha Ek Takhay’yur Usay Alwidaa Kehtay Hovay
Na Hum Say Roya Gaya Na Muskurayaa Gayaa
Saroo’n Ki Fasal Kattay Gee Tou Aman Aa’eyga
Ajab Falsafa Abid Humain Batayaa Gayaa
~~~~~~~~~~~~~~~~~~
Ibraar Abid
^^^^^^^^^^