***Dekhaingay aaj unko bari bekhudi se hum
jhoomaingay zindagi bhar isee aagehi se hum
kion zindagi se talab zindagi ki ho
kertay nahin hain terk e tamanna khushi se hum
ker de ataey nazr e karam ab idhar bhi tu
der pe kharay hain dekh le kis aajizee se hum
tanha he chor aatay hain pohncha ke qab’r main
apnon ka zik’r kertay thay kis tundahi se hum
ab na kahaingay haal e dil e muztarib kabhi
hans de agar zamana to jaengay jee se hum
bhar daingay zindagi main kuch aesay haseen rang
daaman bharaingay apna bhi chun chun khushi se hum
nakaam hueen gar kabhi meri wafain bhi
shikwa kabhi keraingay na iss zindagi se hum
koi to hai “Shugufta” tera bhi shareek e gham
aesa bhi kia ke rotay hain is bebasi se hum***
