aankhon mein raha dil mein utar kar nahi dekha
kashti k musafir ne samandar nahi dekha
be-waqt agar jaon ga sab chonk paren ge
eik umar hui din mein kabhi gher nahi dekha
jis din se chala hoon meri manzil pe nazar hai
rastay mae para meel ka pathar nahi dekha
ye phool mujhe koi wirasat mein mile hain
tumne mera kanton bhara bistar nahi dekha
khat aisa likha hai k nageene se jurre hain
un haathon ne lekin koi zewar nahi dekha
pathar mujhe kehta hai mera chahne wala
main moom hoon us ne mujhe choo kar nahi dekha
wo mera masa’il ko samajh hi nahi sakta
jis ne meri aankhon mein samandar nahi dekha
