Dehaat ki raat

hybridkamal · October 25, 2013, 5:31pm

Chupke chupke khaamoshi ke geet gaati hai fizaa
dekh kar taaroun ki janib muskuraati hai fizaa

lait jaati hein gharoun mein bibiyaan aaraam sey
aadmi be-fikar hou jaatey hein apney kaam sey

saag ley ley kar gharoun mein phirnay waali aurtein
shoukh aur munh-phat magar shab rang kaali aurtein

saara din chakki pey mehnat karney waali larkiyaan
kam se kam ujrat pey paani bharney waali larkiyaan

bhaari bharkam aur ziddi, gaon key saada raees
pehalwaanoun, majlison, kut-toun ke dildaada raees

khaankaahoun ke mujaawir aur bhik mangey faqeer
adh muey, gustaakh, sar aur paon sey nangey faqeer

mausami geetoun sey waaqif khush gulo mirasanein
har kisi sey larney waali tand-khoo mirasanein

woh maddarris jin ke dam sey madrisa aabaad hey
jin kou sa’adi ki gulistaan kuch zubaani yaad hai

rafta rafta neend sey madhosh hou jaatey hein sab
aur uss pur-kaifiat waadi mein kho jaatey hein sab

aadmi aamaal sey do-chaar hotey hein jahan
khwaab roohoun ke liye tayaar hotey hein jahan

Diva · October 25, 2013, 5:36pm

Re: Dehaat ki raat

Dehaat kay tou din bhi achchay hotey hain ...

tarash · October 25, 2013, 5:40pm

Re: Dehaat ki raat

shehron ki nisbat dehaton mein aik dosry ka ziada khyal rakha jata hai

KKF · October 25, 2013, 5:41pm

Re: Dehaat ki raat

dehaat kaa apnaa hii ek maza hai...maanaa k life vahaN mushkil hai par vahaN jaisi moHabbat bhii kahiiN aur shahroN meN nahiiN milegii :)

hybridkamal · October 25, 2013, 5:43pm

Re: Dehaat ki raat

yes, dehaat ki subha par bhi poem hai same shayir ki, will share it.

tarash · October 25, 2013, 5:47pm

Re: Dehaat ki raat

irshad

Microbian · October 25, 2013, 5:47pm

Wo to sab theek hy laikn ye fizza kun chupke chupke khamoshi k geet gaati the?

hybridkamal · October 25, 2013, 5:49pm

Re: Dehaat ki raat

Diva · October 25, 2013, 5:52pm

Re: Dehaat ki raat

Ghareebon mein muhabbat aur khulus ki kami nahin. Shayed unhain bh hamari zindagi se aashnaee ho jaey tou woh bhi ba halat e majburi hamarey naqsh e qadam per chal parain

muqawwee123 · October 26, 2013, 3:07am

Re: Dehaat ki raat

saare paindoo ek jaga jama ho gae hain

Diva · October 26, 2013, 10:21am

Re: Dehaat ki raat

Explain paindoos?!?!

muqawwee123 · October 26, 2013, 10:24am

Re: Dehaat ki raat

dehaat ke ishq main mubtala log

hybridkamal · October 26, 2013, 10:36am

Re: Dehaat ki raat

^^aap ne comment kar dia hai is liye ab aap bhi shamil hein paindooun mein :p

muqawwee123 · October 26, 2013, 10:38am

Re: Dehaat ki raat

I proud to be paindoo.... indagi ko paanch ungaliyon se chakhne ka moqa paindo'on ko hi milta hai :)

hybridkamal · October 26, 2013, 10:40am

Re: Dehaat ki raat

wah wah ..iss comment par parwaaz fan aap ka hua..