►◄ Dedicated to All Dukhi Aatma's ►◄

Sannan · April 7, 2011, 7:52am

Kahan Aa Ke Rukne The Raaste Kahan Mor Tha Use Bhool Jaa
Jo Mil Gaya Ise Yaad Rakh Jo Na Mila Use Bhool Jaa

Woh Tere Naseeb Ki Barishen Kisi Aur Chhat Pe Baras Gayin
Dil-E-Bekhabar Meri Baat Sun Use Bhool Ja Use Bhool Jaa

Mai To Gum Tha Tere Hi Dhyaan Mein; Teri Aas Tere Gumaan Mein
Hawa Keh Gayi Mere Kaan Me, Mere Saath Aa Use Bhool Jaa.

Kisi Ankh Mein Nahi Ashk-E-Gham, Tere Baad Kuchh Bhi Nahi Hai Kam
Tujhe Zindigi Ne Bhula Diya Tu Bhi Muskura Use Bhool Jaa

Na Woh Ankh Hi Teri Ankh Thi Na Woh Khwab Hi Tera Khwab Tha
Dil-E-Muntazir To Ye Kis Liye; Tera Jagna Use Bhool Jaa

Yeh Jo Raat Din Ka Hai Khel Sa Ise Dekh Is Par Yaqeen Kar.
Nahi Akss Koi Bhi Mustaqil Sare Ayinaa Use Bhool Jaa

Jo Bisaate Jaan Hi Ulatt Gaya Woh Jo Raaste Se Palat Gaya.
Use Rokne Se Husool Kya Use Mat Bula Use Bhool Jaa

Yeh Jo Aa’ Gahi Ka Saraab Hai Yahi Sabse Badh Kar Azaab Hai
Yeh Samajh Woh Aks-E-Khayal Tha Koi Khwaab Tha Use Bhool Jaa

To Yeh Kis Liye Shabe Hijr; Ke Use Har Sitaare Mein Dekhna.
Woh Falak Ke Jispe Mile The Hum; Koi Aur Tha Use Bhool Jaa

Kyon Ataa Hua Hai Ghubaar Mein Ghame Zindigi Ke Fashaar Mein
Woh Jo Darj Tha Tere Bakht Mein So Woh Ho Gaya Use Bhool Jaa

Tujhe Chand Ban Ke Mila Tha Jo Tere Sahilo Pe Khila Tha Jo
Woh Tha Ek Dariya Wasaal Ka So Utar Gaya Use Bhool Jaa..

Lilly · April 7, 2011, 7:54am