~.~ December Topic ~.~

[Golden_Scorpion_1]

Dear Sho’ra-e-Gupshup Sahibaan -o- Sahibaat First of all I would thank you all from the bottom of my Heart for taking interest in the Topic of the month idea.

Here I am with the Topic of December.

Wo Mera Maazi

Maazi Can be Very good and it can be Very Bad or TALKH as well, we have all different memories for our Past. The topic was selected for its VAST nature. We can write lots of stuff on the PAST.

Keeping in Mind the Ideas and Inputs given by you all, for this month we are not going to have Open Vote or Poll. I request you all to just Throw me PM regarding every POEM Posted and Mark the Poem.
You have total of 10 Points. You can Give watever you want.

e.g. 7/10

I will calculate the Score and will announce the Winner. The Winner of the Month will ANNOUNCE the Topic for Next month i.e. January.

All the VOTE PMs I recive till the end of the month will be consdered as Votes. The Next Topic will be Posted no later than 5th of Each month.

As I said, we recived a very good input regarding the subject matter, all the Guppies have different Ideas, its not possible to accetp all because some are totaly opposite to each other. So I have tried My level best to keep it as simple as possible and to cover the interest all the Maximum Guppies.

I do appreciate every sort of Input and I am sure I will have it in future as well. The above Rules are not the FINAL WORD. We can always have input and better ideas and we will ba changing the Rules and Procedures time to time to make it Better.

Thanks again to you all. Now Open the Windows of your Minds and Jump in the Sea of Words to Collect the Pearls.

Qamar.

[DADDU]

Chalo to pehal hum kardain

rahey yaad zindagi bhar guzrey hue zamane
wo barkh ka sitam aur wo jaltey aashiane

mera har khadam tha tanha mera har safar tha weeran
meri door manzilain theen aur raastey anjaane

ik phool ka nahi tha mujhey dard zindagi main
har zakham gulsitaan ke mere dost thay purane

nikla tha reh guzar pe mefil ki ronaqoon main
aaker khafas main tehra taqdeer ke bahane

mujhey kia koi banata apna ye sochta hoon
yazdaan tere jahaan main sab loog thay begaane

dil ne sakoon paya duniya se rukhsati per
jab mout dost banker aayee galey lagane.

Ager ye is topic ke mutabiq na ho to bata dena phir koi aur likh doonga....

[hiccup]

december topic

Reflections like stone skimming on water.
Changing epicentres.
Steady skies.

I remember you like a fish
Elusive dolphins under ferries off docks in dover.

Sunset I remember
You reflected in the water.

I wanted to dive in and be part of you.
Again.
I belong to you

My reflection in the water.

You are now my past.
The future to my present.
The centre of my restles shifting.

[Lamhay]

**

Kuch sa`atien kuch lamhay
jo theey meray teray rubaroo

woh azaab ban kar utar gaye
meray wajood ko jo das gaye

Uss aik paal ko kiya likhoon
jis baazi ko tu jeet gaya

ussay apnay muqaddar ki siyahi kahoon
ya ussay andha bhanwar kahoon

jo mera sab kuch ley gaya
aur kar gaya Wehshatoon ko mera humsafar

Jo maazi per meray khizaan ban kar chaah gaya
meri Rooh per Zakhum laga gaya
Uss Aik shaks ko apni Dastaan -e- Aah main Rakum karoon…!!
**

P:S: pata nahin meri ye koshish iss topic kay munasbaat say hai k nahi

[NO_RESERVATIONS]

*maazi ki talkhiyoN ko, bayaa’N karooN maiN kaisse
taareek zindagi ko, roshan karooN maiN kaisse

yaadoN ki wehshato’N se, furqat se, faasiloN se
dum ghuT raha hai mera, zinda hooN jaanay kaisse

hai zindagi ibaarat, bai tarah’ haadisoN se
ho kar lahu lahu ye, dil muskurai kaisse

anjaan raastoN mai, jo saath choR jai
nadaan dostoN se, shikwa karooN maiN kaisse

duniya ki ronaqoN mai, dil na lagay hai mera
kab maut aaye mujhko, ho intezaar kaisse*

[Nazi83]

anjan dagar pey
jhuki nigahaien
jhapakti palkien
Guzarte lamhuoon sey pochti hianh
kahan geyi woh
suhani shamien
barastey badal
hawa key jhonkey
mahaktey anchal
woh shokh chancal si titliyan ju
shabnam key qatruon ku chomti thien
kahan geyi woh?
batayo tu key kya majra hai
kisney itna zulm kya hai
yeah kya hua key
machaltey ansyuon ney
gulab cherey beghu deye hainh
mugh sey gar tum pochte hu
tu jhuki nigahuon ki ju kahani hai
woh meri apni hi shayri hai

Naz S

[Black_Mamba]

Maazi maiN meray pyar ke jo phool khilay thay
har phool ke kaaNtoN se, kayi zakhm milay thay

Dunya ko batata maiN sitam yaar ke kaisay ?
chaha tha ussay dil se, meray lab tau silay thay

nafrat ke bhi qaabil nahiN samjha humaiN jis ne
chahat maiN hum, us shakhs ke, marnay ko chalay thay

har zulm pe uske, meri aahaiN theeN nikalteeN
har aah se laakhoN meray armaan juRay thay

Chaha agar ik pal ko bhi hota, mujhay uss ne
uske hi thay, jeewan ke meray din jo bachay thay

ro kar maiN karoN yaad Sabih, ya ke haNsoN maiN?
ik khwab ki bus aas maiN, wo din jo katay thay.
(Black Mamba)

[koiDost]

aadaab, dosto!

jo hazraat apne watan se hijrat kar ke kahiiN aur Qayaam karte haiN aur woh jo aik zamaane ko piiche choD aaye haiN unke dil ke kuch ahsaasaat kuch Khayaalaat ki tarjumaanii karne ki koshish kii hai.
ummeed hai aap pasand farmaayeNge. apnii raae se navaaziyegaa.

**Nazm

jo duur hai watan se kyaa jaane kyaa gaNwaayeN
har subh hai tamannah, har shaam bas sadaayeN

guzreN hai zindagii bas yaadoN ke marhaloN se
uTtii hai kuch chamak sii sapnoN ke chilmanoN se
daryaa ke us kinaare shaayad hai koii Tahraa
aatii hai mujhko Khushbuu maazii ke jangaloN se

yaaroN ki woh rafaaQat ab Khatm ho gayii hai
jazboN ki woh sadaaQat siinoN se uDgayii hai
ho Khair maslihat ka, rishte kahaaN bache haiN
tahziib ki imaarat miTTii meN mil gayii hai

milte haiN chaar lamhe mushkil se aaj ham ko
jakDe hu_we haiN har suu shaahii mizaaj ham ko
ham banke aur saNwar ke milte hai ab Khudii se
maayuus karnaa jaaye ye nau riwaaj ham ko

dil roz dektaa hai mashriQ ke aasmaaN ko
hangaam le nazar meN DhuuNDe hai paasbaaN ko
majruuh zindagii ke hoNToN pe pyaas rakhkhe
ik phuul hai ke tarse Khushbuu-e-gulsitaaN ko

kyaa jaane kab dakan* ki taazii hawaa chalegii
kyaa jaane kab chaman meN bulbul nidaa karegii
is yaad ko zaraa tum taazah libaaz rakhnaa
maGhrib ki ye tijaarat kab tak nibhaa karegii

ab sonchte hai harpal ham ghar ko lauT jaayeN
dekhe haiN kabse rastah buuDhii si kuch nigaaheN
aaNgan ke us shajar ke saaye ko lauT jaayeN
guzrii haiN jiske niiche bachpaN ki woh bahaareN

ab dasht hai nagar hai kyaa jaane is safar meN
har gaam ik jatan hai jeevan ke is Dagar meN
is justajuu meN dil ko tum ustawaar kar lo
shaayad ho paas manzil kuch intezaar kar lo

miltii nahiiN hai raahat az raah-e-kaarwaaN meN
manzar kahaaN hai Tahraa ashkoN ke saaiibaaN meN
baD ke fuGhaaN ko apne saaNsoN meN Qaid kar lo
achhii nahiiN nazaakat sholoN ke daastaaN meN

mahfil nayii sajii hai, shamma' nayii jalaa lo
rukhsat huwii tamannaa to dard hii jagaalaa lo !!!

Waseem Ahmed**

[Golden_Scorpion_1]

Hum Dartay Darty mandarja zel Cheez ko YahaaN post kar rahay haiN …
Athough I posted it ealier outside the contest, but kuch DosstooN ke hosla baRhay ke its not That Bad
So here You go…

**Dil ko miaN Samjhata tha Taish bhi iss be aata tha kiunkar khud ko bhool ke ye Bas Tum per miT jata tha

Aaj tumhaiN sunNa hoga
Meray mazi ka qissa
KiuNkar sab kuch choR ke Dil
Tum pe fanna ho jata tha.

Yaad hay tum ko wo lamha
Jab in aknkhooN ne tum ko
Pehli baar Tarasha tha?

HaaN mujhay maloom hay ye
Tum ko kuch bhi yaad naheeN
KiuNkar tum ko yaad ho sab
Wo qissa tou mera tha
Dil tou mera jalta tha
Sans bhi meri rukti thi
KaanTay mujh ko chubhtay
Dard bhi mujh ko hota tha
KiuNkar tum ko yaad ho sab
Wo qissa tou mera tha

Tum ko maiN ne akhri baar
Doli uThtay dekha tha
Teri mehndi ke wo rang
meray lahoo ki surkhi thay
Angaray se jaltay thay
AnkhooN miaN ban kar ansoo

Dil ne dhaRakna choR dia
Chand chamakna bhool gaya
KaanTay daaman bharnay lagay
Dil ne dhaRakna choR dia

Teri Aik nazar ki aas
dhoop ko thanDa Rkhti thi
Pyas BUjhaye Rakhti thi
Kesay Bujhay ab meri Pyas?**
(Golden Scorpion)