December Lout Aaya Hai…
Tumhare Lout Aanay Ki
Nai Umeed Jagi Hai
Abhi Pichle Baras Tum Ne
Mere Hathon Pe Rakh K Hath
Haya Se Munh Chupaya Tha
Abhi Pichle Baras Hi Tu
December k Maheenay Me
Tumhei Banhon Me Thama Tha
Aur April Anay Tuk
Tumhari Jheel Si Ankhon Me
Naya Sapna Sajaya Tha
Mere Chottay Se Aangan Me
Tumhe Wehshat Si Hoti Thi
Mujhe Tum Ne Bataya Tha
Kisi Ki Qaid Me Rehna
Mujhe Acha Nahi Lagta
Me Ik Azad Panchi Hon
Suna Hai Phir Se Tanha Ho
September K Maheene Se
Bohat Khamosh Rehte Ho
K Jis Ko Tum Ne Chaha Tha
Wafa K Naam Se Usko
Bohat Wehshat Si Hoti Thi
Woh Ik Azad Panchi Tha
Kisi Ki Qaid Me Rehna
Usay Acha Nahi Lagta
Suna Hai Mere Aangan Ki
Tumhei Ab Bhi Yaad Aati Hai
Suna Hai Tum Pashema’n ho
Chalo Phir Aisa Karte Hain
December Ka Maheena Hai
Naya Aghaz Kartay Hain
Mere Hathon Pe Rakh K Hath
Haya Se Munh Chupa Lo Tum
December Lout Aaya Hai
Re: December Lautt Aaya Hai!
beautiful......bohot aala
Re: December Lautt Aaya Hai!
Thanks :)
Re: December Lautt Aaya Hai!
very nice