-=- December Guzar rahaa hai -=-

Arts & Culture Poetry ( Intikhaab & Sho'ra-e-Gupshup)
1

Although, as said earlier, I have decided not to share my poems on this very forum of the Gupshup (for some very logical reasons :-), I think this poem is an EXCEPTION. Exception for many reasons. Some of the reasons are very secret:D but the obvious one is that it is a sequal of one of my earliest poems on the same topic of December, [Click Here for that Poem] two years back… Two YEARS!!!

WoW!!! Time flies.. Innit? :slight_smile:

anyway, I think this poem can very well be a stand alone poem but if read along with that other one, will give you a whole different meanings…

urdu is such a great language and I am ashamed not to make full use of it.

===============================================
December Guzar rahaa hai

sard raatoN kee
gehri siyahi kaa
ik pur sukoon samander hai
aur !
aasmaaN par chamaktaY taaroN talaY
khuN’k hawaaoN kee sarsarhuT liye

December Guzar rahaa hai

kuch dhundhlee yaadoN kaY
roshan saaYe liye
kuch husn-e-rifaaqat kaY
pur soz lamhaat liYe
puraani yaadoN kaY
khushgawaar pa’l sameTaY
aur !
kuch talkh baatoN kee garmi liYe

December Guzar rahaa hai

Shub-e-Amaawas kee woh holnaakiyaaN
aayee haiN naye chaand kee
aamad kaa parwaana liYe
woh mehboob, jo har ik kaa hai
jo dushman Mehtaab-e-Mukammal kaa hai
woh hilaal aa gayaa sadaa yeh liye

December Guzar rahaa hai

Woh ChodhveeN kee raat maiN
Woh ChodhveeN kaY Chaand maiN
woh ik chaandi raat maiN
woh noor kee barsaat maiN
nazar teri kiouN Thehr gaYee?
soch kahaaN youN guum hee ho gaYee?
ZubaaN kiouN gunG see ho gaYee?

kiouN teri yeh nigaahaiN
chaand par haiN jum see gayeeN
kiouN aa gayaa Daagh-e-Qamar
yeh fasaanaa liYe

December Guzar rahaa hai

Ik woh December thaa kaY jub
thanDee fizaaoN maiN
ik ghum chupaa thaa
ik udaasi kaa samaaN thaa
dil bahut kuch seh chukaa thaa
koi judaa hum saY huaa thaa
Dosti Qurban jo kar gayaa thaa
hum ko tanhaa woh kar gayaa thaa

dil saY aah jub yeh niklee thee
duaa laboN pe jo machlee thee
woh mohabbat kee ik ghaRi thee
zubaaN saY dil ko ik shikwah thaa
Aq’l kaa aur hee kuch kehnaa thaa

Dil yeh keh rahaa thaa
duaa yeh daY rahaa thaa
teri zindagi maiN ae dost!
aisaa December aaYe kabhi naa
Tu Kabhi **December ko Alwida **kahai naa
Dosti ko buraa kabhi kahai naa
naa hee tu kabhi Tanhaa ho
naa kabhi dard-e-aashnaa ho

Aq’l yeh keh rahi thee
bud duaa yeh daY rahi thee
tu bhee meraY Rafeeq!
dekhaY wohi sitam
tu naY jo kiYe karam
kuch maaloom tujh ko ho
sang-e-dil mom kuch tau ho

yeh jung chal rahi thee
Ghumsaan kaa ik ru’n paRaa thaa

December Guzar rahaa thaa

aglaY December tukk
waqt kaa woh marham
tu naY jo kuch kahaa thaa
woh such ho gayaa thaa
maiN woh sub bhool gayaa thaa
uss saal bhee yehi December
ayaa aur youN hee gayaa thaa

Tu khush phir bhee rahaa thaa
Kuch dostoN ko choR gayaa thaa
naYe raastoN par chal paRa thaa
naYe hum safaroN ko laY chalaa thaa
nayee shaaraahoN par
Mohabbat kee naYee puGDandiyoN par
RifaaqataiN dhoondh rahaa thaa

aur maiN!

maiN YaadoN ko seenaY saY lagaaYe
khud ko MunaafiqatoN saY bachaaYe
Apni dagar par chal rahaa thaa

December Guzar rahaa thaa

Mohabbat kee uss haar ko
saal ik aur beet gayaa hai
December aa gayaa hai

khabar kuch milli hai
kaY tu ae Dost!
December kee in
thanDee fizaaoN maiN
ik ghum seh rahaa hai
udaasiyaaN jhel rahaa hai
Tanhaa reh gayaa hai
Dosti kay samander maiN
BeY rehm mojoN kaY thapeRon maiN
dostiyaaN kho chukaa hai

Zindagi ki ye taareek saa’ataiN
uss waqt bhee ayaaN theeN
kaY jub!

December Guzar rahaa thaa

aur aaj bhee ayaaN haiN
kaY jub!
tu bhee keh raha hai
Tanhaa tu reh gayaa hai

haan!

Sunn lo!!!

December Guzar rahaa hai

Anwaar Qureshi

12:16 AM 12/8/2005

2

Re: -=- December Guzar rahaa hai -=-

Wah Wah Wah
AQ bahi bohat khubsoorat likhi hay
bohat he khoobsurat

yes waqai DECEMBER GUZAR RAHA HAY

Home alone
3

Re: -=- December Guzar rahaa hai -=-

simply Awsomeeeee..........

4

Re: -=- December Guzar rahaa hai -=-

Just read it in a hurry… Will be back here later on… :slight_smile:

edit:- A breath-taking masterpiece Anwaar… Reading it for the second time made me like it even more… Bahut hi nafees tareeqey sey ek ek laf’z ko khoobsurati key haar meiN piroya hai…

:slight_smile:

5

Re: -=- December Guzar rahaa hai -=-

Thanks to **All Three (3) **of you :)

much appreciated...

6

Re: -=- December Guzar rahaa hai -=-

V nice AQ ..koi nahi hosla rakhin JAn a raha hai dec guzar gaya tu kia huwa :)

7

Re: -=- December Guzar rahaa hai -=-

Wesey to saari nazm hi be’had khoobsoorat hey, lekin aaghaaz to bohat hi kamaal ka kia hey. I am feeling as if I see all these things in front of me. Aur aek achey shaer ki yehi nishaaniyaaN hoti heiN ke wo apney bahaao meiN sab ko bahaa kar ley jaata hey. Great job Anwar :):k:

8

Re: -=- December Guzar rahaa hai -=-

Koyal: Thanks :)

**Amal: **Your words mean a lot to me. and when I say a lot, I really mean it. I wish I was that good but sometimes, quality comes from heart not by words. Thanks a lot.

Let's sack it
9

Re: -=- December Guzar rahaa hai -=-

i'm speechless...

10

Re: -=- December Guzar rahaa hai -=-

quality comes from heart not by words.

sochnay ki baat hay.

11

Re: -=- December Guzar rahaa hai -=-

(Woh ChodhveeN kee raat maiN)?

Woh ChodhveeN kaY Chaand maiN

( woh ik chaandi raat maiN ) First line aur iss mein kya koi faraq hay?

Baqi ki poem buhat achi hay thanks for sharing AQ:-)

12

Re: -=- December Guzar rahaa hai -=-

^
there is a typo there..

the line is supposed to be:

*woh ik chaandnee raat maiN *

There is actually a difference. The context is different, according to my understanding..

When one say Chaandni raat, one has a feeling of being out there in the night under the moon.......

13

Re: -=- December Guzar rahaa hai -=-

[QUOTE]
dil saY aah jub yeh niklee thee
duaa laboN pe jo machlee thee
woh mohabbat kee ik ghaRi thee

[/QUOTE]
Nice work ... Anwar ...hopefully you will change your mind about not posting your work here :)

14

Re: -=- December Guzar rahaa hai -=-

Hmmm Mera kahany ka matalb thaa chodhveen ki raat mein chandni raat hi hoti hay phir aik hi baat ka zikr do baar kyon:-) hope u got me this time ,ya meri aqal mein hi kuch nahin aa raha :-p

Woh ChodhveeN kee raat maiN
Woh ChodhveeN kaY Chaand maiN
Woh ik chaandnee raat maiN

MOD making process
MOD making process
15

Re: -=- December Guzar rahaa hai -=-

^
fil badeeh maiN aisaa hee hotaa hai… :snooty:

aap “uss” hissaY ko nikaal kar paRh laiN naa LOL

… waisaY repeataion kee wajah “emphasis” bhee ho saktee hai.. hai kaY naheeN?

16

Re: -=- December Guzar rahaa hai -=-

Mein uss hissay ko nikal kay kyon parhoon ,aap nay likha hi kyon thaa :snooty:

isski wajah yeh ho sakti hay kah u also like chandi raat very much:p

17

Re: -=- December Guzar rahaa hai -=-

well, I am glad that my feelings and my diction actually co-ordinate with each other a little bit... gives me so much of aesthetic feelings :)

You are actually right....

*Chaand kaY saath kaYee dard puraanaY niklaY *;-)

new sabziyan
18

Re: -=- December Guzar rahaa hai -=-

:k:

19

Re: -=- December Guzar rahaa hai -=-

^
aap naY ANGooThaa lagaa kar pasandeedgee kee moh'r-e-tasdeeq sab't kar dee :-)

20

Re: -=- December Guzar rahaa hai -=-

dono poems per ker ahsas hoowa
sirf december nahin bohat kush
guzar raha hai.
simply zabardast AQ bhai

Who's getting married in 2008???