Death...some questions

blessed2006 · April 8, 2011, 1:23am

Re: Death…some questions

**haaN, bas yehii du’aa karnii chaahiye k jab bhii maut aaye to kalima naseeb ho aur jaan iimaan pe nikle. maut kab, kaise aur kahaN aayegii usko koii nahiiN jaantaa is liye uske baare meN ziyaada sochnaa laa_Haasil hai…albatta, maut ko yaad zaroor karnaa chaahiye jaisa k uskaa Haq hai aur isii liye aHaadees meN aayaa hai k insaan ko qabristaan jaanaa chaahiye [apne Khaandaanii yaa kisii aur ke] aur vahaN jaa kar madfoon logoN ke Haq meN du’aa-e-maGhfirat kare aur apnii maut ke baare meN soche aur 'aamaal e swaaliHa aur 'ibaadaat meN izaafa kare.

qabr kii zindagii mere Khayaal se ek sote huye insaan ke Khowaab sii hogii … saare aHsaasaat aur jazbaat hoNge magar jism se uskaa koi ta’alluq na hogaa…Allah ne qabr kii kaifiiyat kaa zaa’iqa hameN apne Khowaab meN hii rakh diyaa. isii liye kahte haiN k qabr meN ek khiRkii hogii jisse ham jannat yaa dozaKh dekh kar Khush yaa maGhmoom hoNge. vo khiRkii ko yuN tasavvur kijiye jaise vo TV ka Screen ho…chaahe vo kitnii bhii chhoTii ho magar baRe se baRe pahaaR to kia saarii kaayenaat ko sameT saktaa hai yaa phir zaraa koii aaina apne saamne rakh kar us meN bikhre huye vasee’ manaazir ko dekhiye…sab kaayenaat simaT ke us chhoTe se aaine meN aa jaataa hai.

Ghalib ne kaha thaa k:

laHd meN jaise k jannat ka koii manzar khulaa**

totally agreed. bilkul sahi

sum ameen to that