Dayar e Noor main Teera Shabon ka Saathi ho

Arts & Culture Poetry ( Intikhaab & Sho'ra-e-Gupshup)
1

Dayar-e-Noor Mein Teera Shabon Ka Saathi Ho
Koi To Ho Jo Mairi Wahshaton Ka Saathi Ho

Main Uss Say Jhoot Bhi Bolun To Mujh Say Sach Boley
Mairey Mizaaj Ke Sab Mosamon Ka Saathi Ho

**Main Uss Ke Haath Na Aaoon Woh Maira Ho Ke Rahey
Main Gir Paroon To Mairi Pastiyon Ka Saathi Ho
**
Woh Mairey Naam Ki Nisbat Say Motabar Thehrey
Gali Gali Mairi Ruswaiyon Ka Saathi Ho

Main Apney Aap Ko Daikhoon Woh Muj Ko Daikhey Jaye
Woh Mairey Nafs Ki Gumrahiyon Ka Saathi Ho

Woh Khawab Daikhey To Daikhey Mairey Hawaley Say
Mairey Khayal Ke Sab Manzaron Ka Saathi Ho !

2

Re: Dayar e Noor main Teera Shabon ka Saathi ho

kahen mere PAK wali diary se le ke to post nahi ker rahy apni sharing :cb:

:lajawab:

3

Re: Dayar e Noor main Teera Shabon ka Saathi ho

hahaha, main bhi sochoon ye meri diary main kisi aur ki hand writing kahan se agai.:)

4

Re: Dayar e Noor main Teera Shabon ka Saathi ho

itne flow mi sara kuch aa raha hi vahan se k :blush:
AALAH APKO KHOSH RAKHEN bohat khush ho rahi hun parh k