"dard-e-dil kyaa hai ... "

Arts & Culture Poetry ( Intikhaab & Sho'ra-e-Gupshup)
1

aadaab, dosto!

chhoTii bahr kii ek Ghazal pesh hai. ummeed hai pasand aayegii. aap kii raae kaa intizaar rahegaa.

**Ghazal

dard-e-dil kyaa hai, is kii shiddat kyaa
ham se puuchho ki hai muhabbat kyaa

ek chaadar, bichhaayii aur oRhii
ham se darvesh kii zaruurat kyaa!

maal-o-daulat kaa bolbaalaa hai
ilm-o-fan kii hai aaj vaq.at kyaa

ek afsaana, muKhtasir vo bhii
zindagii! hai tirii haqeeqat kyaa!

dil to chaahe hai jaane kyaa kyaa kuchh
dekhiye chaahtii hai qismat kyaa

baaNdh kar baazuoN ko tum mere
aazmaate ho mujh pe taaqat kyaa

karnaa eejaad nit naye fitne
hai yahii aadmii kii fitrat kyaa?

husn-e-dildaar, uff, Khudaa kii panaah!
is se baRh kar hai kuchh qayaamat kyaa?

vo to dushnaam bhii nahiiN dete
:Waseem: aisii bhii ham se nafrat kyaa!!!

Waseem Ahmed**

2

Very nice... Khush rahoo

3

:flower1: Very nice:flower1:

4

Bohat achey! :k:

5

Nice.. :flower1:

6

**Dilsay,Dynamic fire,Aryaan and KhamoshNigahein ** is adnaa kaavish ko apnii giraaN.qadr daad se navaazne kaa bahut bahut shukriya !!! :flower1:

7

:flower1: nice :flower1:

8

VERY VERY NICE :k: KeeP shring

9

Thanx Nazi :flower1:

10

Bahut Bahut shukriya :slight_smile:

11

ek afsaana, muKhtasir vo bhii
zindagii! hai tirii haqeeqat kyaa

beautiful..:flower1:

thx for sharing dost jee..

12

HH Jee Ghazal pasand farmaane kaa bahut bahut shukriya ! :flower1:

13

:flower1:

14

:flower1: :flower1:

15

:flower2: nice:flower1:

16

Thanx :flower1:

17

Bohot khoob…:k:

18

Mashallah Waseem… Keep it up :k:

:flower1:

19

Ghazal pasand farmaane kaa bahut bahut shukriya !:flower1:

20

Bahut Bahut Shukriya Janab :slight_smile: :flower1: