Zabardast question Riya. Shuk Riya for starting this thread. It's common in here.
First we have to find out Why and who become bullies nishana.
How to deal themselves?
How parents would deal?
Bullies hamaisha kamzor aur seedhay sadhay, masoom, khamosh ya bewaqoof buchchon ko apna nishana banatay hain. Kuwah wo jismani tor per kumzor buchchay hon ya quiet buchchay hon.
Apnay buchchon ko train karain kay wo outspoken hon naheen to kum uz kum apni takleef aur shikayat ki school main teacher, principal aur ghar main parents say bata sakain aur batain. Baaz buchchay ghar main bhi batanay say dartay hain.
Apnay buchchon ko apna dost banain. Apni her mushkil ko share karnay ka sikhain parents say.
Teacher ko aur Prinicipal ko batanay ka sikhain kisi bhi tarha ki bullies ka nishana bunnay ki soorat main.
Kisi bhi qism ki email ko teachar aor Principal ko forward kar dain jo dhumki amoz hon aur khud bhi save kar kay rakhlain agar Police ko dikhanay ki zaroorat paray to.
Buchchay ka email address doosra bunwa dain aur us ko use karna chor dain. Baaz buchchay sirf fun kay liaay bhi is tarha kay email bhaij saktay hain sirf daranay aur satanay kay liaay masoom buchchon ko.
Buchchay say kahain sirf apnay khaas khaas aur qabil e aitabar doston ko hi apna email address dain. Aur sub ko mana kar dain yani jinko jinko email address dain kay kisi ko bhi mera email na dain.
Ho sakay to kuch din buchchon ka email use karna hi band karwa dain.
Buchchon ko kahain confident rahain bahar aur school main.
Darnay ki bhi koi zaroorat naheen hai Allah her waqt saath hota hai hifazat kay liay laikin ahtiaat bhi karain bullies say door rahain chahay wo school yaard ho ya ghar anay janay ka rasta.
Aur buchchon say dosti kar lain jo aap kay ghar tuk ya ghar kay qareeb tuk atay hon yani aik group bana lain takay atay jatay rastay main akelay na hon balkay group ho saath main.
Is main parents bhi help ker saktay hain apnay buchchon ki. Is tarha kay parents aur buchchon say khud baat karain kay saath aya jaya karain aik time fix kar lain. Is kay liaay thori dosti barhani ho gi. Tohfay tahaif denay hon gay. Unkay kaam ana ho ga.
Luch ka mamla jahan tuk hai to school bag main ahtiaat kay tor pay tala laganay ka day dain aur chabhi bhi day dain jo galay main latakta ho.
Kisi qism ki bully ki choti say choti herkat ka nishana bunnay ki soorat main na sirf buchcha khud teacher aur principal ko shikayat karay balkay parents bhi shikayat karain.
Buchchon ko sikha dain kay bullies say buch kar rahain aur udhar bilkul na phatkay jidhar bullies hotay hain.
Mera khiaal hai itna kafi hai.
Saath main Allah say hifazat ki dua kartay rahain khud bhi aur buchchon ko bhi sikhaain. Aur parents khud bhi unki hifazat ki dua kartay rahain jub tuk school main buchchay hon.
Ghar say nikaltay waqt Allah Hafiz ya salam poora kahay baghair buchchon ko na janay dain khud bhi kahain aur buchchon say bhi kahalwain.
Yay dua kia karain Allah say Allah main nain apnay buchchay ko teri hifazat main dia tu hi issay khairiaat say lay jat aur khairiaat say wapis ghar lana. Main apnay buchchay ko Allah teray hawalay karti/karta hoon so is ki hifazat karna.
Insha Allah kuch naheen ho ga.