Re: Come And Lets Read The ‘Holy Qur’an’ - With Translation
Quran: BaRi halakat hai har aise shakhs ke liye jo (dusron ke) aeb tattolne wala, gheebat kerne wala ho (1) Jisne maal jama kiya aur gin gin ker rakha (2) Wo ye samajhta hai keh uska maal uske paas hamesha (duniya me) rahega (3) Hargiz nahi, wo yaqeenan chikna choor kerne wali me phenka jayega (4) Aur aap kya jaanein keh chikna choor kerne wali kya hai (5) ALLAH ki aag hai bhaRkaai hui (6) Jo dilon per charhti chali jayegi (7) Aur wo aag un per band kerdi jayegi (8) (Jabkeh wo) oonchay satoono me ghiray hongay (9)..
Reference: Surat-ul-Humazah, verses # 1-9.
Re: Come And Lets Read The ‘Holy Qur’an’ - With Translation
Quran: ALLAH ki rassi ko mazbooti se thaamay rakho aur firqah-parasti me mat paro.
Reference: Surat-ul-Imran, verse # 103.
Re: Come And Lets Read The ‘Holy Qur’an’ - With Translation
Beshak Quran mukammal Zaabta-e-Hayaat hai..
[/QUOTE]
beshak
Re: Come And Lets Read The ‘Holy Qur’an’ - With Translation
Quran: Aur HUM zarur tumhein aazmaengay, kuch ko khof-o-hiraas aur bhook se, aur jaan-o-maal aur phalon ki kami se, aur sabar kerne walon ko khushkhabri de dijiyey (155) Keh jab unhein koi museebat aaye to kehte hain keh hum ALLAH hi ke hain aur Ussi ki taraf hamein loat ker jana hai (156) Aise hi logon per unke Rab ki taraf se inayaat aur rehmatein barasti hain aur yehi log hidayat yaafta hain (157).
Reference: Surat-ul-Baqra, verses # 155, 156 & 157.
May Allah (SWT) reward you for this effort,.Jazzak Allah o Khaira.
Quran: Phir jab Musa wahan pohanchay to waadi ke daen kinare se us mubarik zameen me mojood aik darakht se awaaz ai keh: "Ay Musa! Me hi ALLAH hoon, saray jahanon ka Rab (30) Aur ALLAH ne hukam diya keh apni laathi phainko, phir jab Musa ne us laathi ko saanp ki tarha balkhatay dekha to peeth phair ker peechay hatay aur peechay murr ker bhi na dekha, ALLAH ne farmaya, aagay barho aur daro nahi tumhain kuch nahi hoga (31) Neez apna haath apne gireban me dalo wo beghair kisi takleef ke chamakta hua niklega, aur agar darr mehsoos ho to apna baazu apne jisam se laga lo, so ye tere Rab ki taraf se 2 mojzay hain jinhein tum firaun aur uske darbariyon ke samne paish ker sakte ho wo baray nafarman log hain (32).
Reference: Surat-ul-Qasas, verse # 30, 31 & 32..
Quran: Yehi log hain jinhein inke sabar aur sabit qadmi ki waja se dohra ajar diya jaega aur burai ka jawab bhalai se dete hain aur Hum ne inhein jo de rakha hai usme se kharch kerte hain (54) Aur jab koi behuda baat sunte hain to is se kinara kerte hain aur kehte hain: Hamare liye hamare aimaal aur tumhare liye tumhare aimaal, tum per ALLAH ki salaamti ho, hum jahilon se taaluq nahi rakhna chahte (55) Ay Nabi! Jisay aap chahein usay hidayat nahi de sakte, ALLAH hi hai jo jisko chahe hidayat de sakta hai aur Wo hidayat paane walon ko khoob janta hai (56).
Reference: Surat-ul-Qasas, verse # 54, 55 & 56.
Quran: Wohi ALLAH hai jiske siwa koi mabood nahi, sari tareefain duniya aur akhirat me Usi ke liye hain aur har jagah Usi ka hukam chalta hai aur Usi ki taraf tum sab lotaye jaogay (70) Aap unse puchiyey: Bhala dekho to! Agar ALLAH qayamat ke din tak hamesha tum per raat hi taari ker deta to ALLAH ke siwa koi mabood hai jo tumhain roshni laa deta?? Kya tum sunte nahi?? (71) (Ya) unse puchiyey: Bhala dekho! Agar ALLAH qayamat ke din tak hamesha tum per din hi charhaye rakhta to ALLAH ke siwa koi mabood hai jo tumhare liye raat le aata jisme tum aaraam ker sakte?? Kya tum dekhte nahi?? (72) Ye Uski rehmat hai keh Usne tumhare liye raat aur din banaye takeh tum (raat ko) aaraam ker sako aur din ko Uska fazal talash ker sako, Agar socho to shayed tum Uske shukar guzar ban jao (73)..
Reference: Surat-ul-Qasas, verse # 70, 71, 72 & 73..
Quran: Kya logon ne ye samajh rakha hai keh unke itna keh dene se keh hum imaan le aaye to inhein chor diya jaega aur wo aazmaish me nahi daale jaengay (2) Halakeh Humne unko bhi aazmaya tha jo inse pehle thay, ALLAH zarur ye maloom kerna chahta hai keh unme se sachay kon hain aur jhoote kon (3) Ya jo log buray kaam ker rahe hain wo ye samajh bethay hain keh wo hamari grift se aagay barh jaengay?? Wo kesa bura faisla ker rahe hain (4) Jo shakhs ALLAH TA’ALA se milne ki tawaqa rakhta hai wo jaan le keh ALLAH ka muqarar kardah waqt aane hi wala hai aur ALLAH sab kuch sun’ne wala aur jaan’ne wala hai (5).
Reference: Surat-ul-Ankaboot, verse # 2, 3, 4 & 5..
Quran: Humne Nuh ko uski qoum ki taraf nabi bna ker bheja to wo unke dermiyaan 950 saal rahe phir un logon ko toofan ne aa ghera, is liye keh wo zalim thay (14) Phir Humne Nuh ko aur kashti walon ko (us toofan se) bacha liya aur kashti ko jahaan walon ke liye aik nishani bna diya (15) Aur Ibrahim (ka waqeya yaad karo) jab usne apni qoum se kaha keh ALLAH ki ibadat karo aur Us se daro, agar tum jano to yehi baat tumhare liye behtar hai (16) ALLAH ke siwa tum jinki ibadat kerte ho wo tumhain rizq dene ka ikhteyar nahi rakhte lehaza ALLAH se rizq maango, Usi ki ibadat karo aur Usi ka shukar karo, tum Usi ki taraf hi lotaye jaogay (17) Aur agar tum jhutlate ho to tumse pehle bhi kaiee umatein (apne rasoolon ko) jhutla chuki hain aur rasool ke zimay to sirf saaf saaf peghaam pohanchana hi hai (18) Kya unhon ne ghor nahi kiya keh kis tarha ALLAH TAA’LA makhlooq ko pehli baar peda kerta hai phir kis tarha isay dobara zinda karega, yaqeenan ye kaam ALLAH ke liye bohat hi aasaan hai (19) Aap inse keh dijiyey keh tum log zameen me chal phir ker dekho keh ALLAH ne kis tarha makhlooq ko pehli baar peda kiya phir Wohi dusri dafa utha lega, ALLAH TAA’LA yaqeenan har cheez per qadir hai (20).
Reference: Surat-ul-Ankaboot, verse # 14 - 20..
Quran: Ye duniya ki zindagi khel tamashay ke siwa kuch nahi, asal hamesha baqi rehne wali zindagi akhirat ka ghar hai, kash! wo log bhi ye baat jante hote (64) Phir jab ye kashti me sawar hote hain to ALLAH ki mukamal haakmiyat ko tasleem kerte huye khalistan Usay hi pukarte hain aur jab Wo inhein bacha ker khushki per le aata hai to us waqt phir shirk kerne lagte hain (65) Takeh Humne jo inhein nematein di hain unki naa shukri karein aur kuch aur din mazay uraa lein, jald hi inhein maloom hojaega (66).
Reference: Surat-ul-Ankaboot, verse # 64, 65 & 66..
Quran: Kya logon ne kabhi apne aap me ghor-o-fikar nahi kiya?? ALLAH ne zameen-o-aasmaan aur inke dermiyaan jo kuch hai sabko kisi haqeeqi maslehat aur aik muqarar waqt tak ke liye peda kiya hai magar logon me se aksar apne Rab ki mulaqaat se munkir hain (8) Kya un logon ne zameen me chal phir ker nahi dekha keh un logon ka anjaam kya hua jo unse pehle guzar chukay hain, wo log quwat me bhi inse ziada thay aur jitna un logon ne zameen ko abaad kiya unhon ne zameen ko joot ker is se ziada abaad kiya tha, unke pas bhi Hamare rasool wazeh dalael le ker aaye thay, ALLAH ka un per zulm kerne ka irada nahi tha balke wo khud hi apne aap per zulm ker rahe thay (9)..
Reference: Surat-ul-Room, verse # 8 & 9..
Quran: Aur (Uski nishaniyon se) aik ye keh zameen-o-aasmaan Usi ke hukam se (bila satoon) qaem hain, phir jab Wo tumhain aik hi dafa zameen me se pukarega to tum zameen se nikal kharay hogay (25) Zameen-o-aasmaan me jo kuch bhi hai sab Usi ka hai, sab ke sab Usi ke farmabardar hain (26) Aur Wohi to hai jo makhlooq ko pehli baar peda kerta hai phir usay (maar ker) dobara zinda karega aur ye (dusri baar ki pedaish) Uske liye bohat asaan hai, aasmaanon aur zameen me Uski shaan bala tar hai aur Wo sab per ghalib aur hikmat wala hai (27)..
Reference: Surat-ul-Room, verse # 25, 26 & 27..
Quran: Lehaza Ay Nabi! Yaksoo ho ker deen ki taraf matwajah hojao, ye ALLAH ka wo deen-e-fitrat hai jiske mutabiq Usne logon ko peda kiya hai, ALLAH ki takhleeq me koi tabdeeli nahi ho sakti, yehi sacha aur sahi deen hai, lekin aksar log nahi jantay (30) Usi ki taraf rujoo kerte huye, deen-e-Islam per qaem hojao, aur Us se darte raho aur namaz qaem karo aur un mushrikon me se na hojana (31) Jinhon ne apne deen ke tukray bna liye aur mukhtalif girohon me bat gaye, har giroh ka jo deen-o-aqeeda hai wo us per khush hai (32) Jab logon ko koi takleef pohanchti hai to apne Rab ki taraf rujoo kerke Usay pukarte hain, phir jab ALLAH inhein Apni rehmat ka maza chakhata hai tab unme se kuch apne Rab se shirk kerne lagte hain (33) Takeh us nemat ki nashukri karein jo Humne inhein di hai, mazay ker lo! Jald tum jaan lo gay (34)..
Reference: Surat-ul-Room, verse # 30, 31, 32, 33 & 34..
Quran: Kya unhon ne dekha nahi keh ALLAH jiska chahe rizq ziada ker deta hai aur jiska chahe kam ker deta hai, imaan lane walon ke liye isme bhi nishaniyan hain (37) (Ay musalmano) apne rishtedaron ko unka haq do aur maskeen aur musafir ko uska haq do, ye baat un logon ke liye behtar hai jo ALLAH ki raza chahte hain aur yehi log kamyab hongay (38) Aur jo kuch tum bator sood dete ho takeh logon ke maal se tumhara maal barhta rahe to aisa maal ALLAH ke haan nahi barhta, aur jo kuch tum ALLAH ki raza chahte huye bator zakaat dete ho, to aise hi log apne maal ko dugna chugna ker rahe hain (39) ALLAH wo hai Jisne tumhain peda kiya phir tumhain rizq diya, phir tumhain moat dega phir tumhain zinda karega, kya tumhare shareekon me bhi koi aisa hai jo inme se koi bhi kaam ker sakta ho?? WO paak hai aur jo kuch wo shareek thehrate hain unse balatar hai (40)..
Reference: Surat-ul-Room, verse # 37, 38, 39 & 40..
Quran: Ay Nabi! Aap na to murdon ko suna sakte hain aur na behron ko apni pukar suna sakte hain jese wo aapse peeth pheray bhaagay jaa rahe hon (52) Aur na aap andhon ko unki gumrahi se nikal ker hidayat de sakte hain, aap (sirf) unhein suna sakte hain jo Hamari aayaat per imaan rakhte hain, wo sar tasleem-e-kham kerte hain (53) ALLAH Wo hai Jisne tumhain kamzor peda kiya phir us kamzori ke baad tumhain quwat bakhshi, phir us quwat ke baad tumhain kamzor aur burha bna dega, Wo jese chahe peda kerta hai aur Wo sab kuch jaan’ne wala aur qudrat wala hai (54)..
Reference: Surat-ul-Room, verse # 52, 53 & 54..
Quran: Aur jis din qayamat qaem hogi mujrim qasmein khaa ker kaheingay keh “hum to aik ghaRi se ziada nahi thehray thay” isi tarha wo (duniya me bhi) dhokay aur fareb me paray rahe thay (55) Aur jinhein ilm aur imaan diya gaya tha wo kaheingay: tum to ALLAH ki kitab ke mutabiq hashar tak thehray rahe, so yehi yom-e-hashar hai lekin tum to isay haq na jante thay (56) Pas us din zaalmo ko unki mazrat kuch faida na degi aur na hi unse ye mutaalba kiya jaega keh wo apne Rab ko razi ker lein (57) Humne is Quran me logon ke liye har tarha ki misaalein beyaan kerdi hain, aur agar aap unke pas koi mojza bhi le aayein to kafir log yehi kaheingay keh tum to jaalsazi ker rahe ho (58) Isi tarha ALLAH TAA’LA un logon ke dilon per mohar laga deta hai jo (haq baat ko) nahi samajhte (59) Lehaza aap sabar kijiyey ALLAH ka waada sacha hai, aisa na ho keh jo log (ALLAH per) yaqeen nahi kerte wo aapko halka bna dein (yani imaan kamzor ker dein) (60)..
Reference: Surat-ul-Room, verse # 55, 56, 57, 58, 59 & 60..
Quran: Zameen me jitne darakht hain wo qalam ban jaen aur samundar roshnaiee ban jaye phir uske baad saat mazeed samundar bhi roshnaiee muhaiya karein to bhi ALLAH ki baatein (tareef) khatam na hongi, bilashuba ALLAH ghalib aur hikmat wala hai (27) Tum sabko pehli baar peda kerna aur tum sabko dobara roz-e-qayamat zinda kerna aisa hai jese aik shakhs ko peda kerna, ALLAH bilashuba sab sun’ne aur dekhne wala hai (28) Kya tum dekhte nahi keh ALLAH raat ko din me aur din ko raat me dakhil kerta hai aur suraj aur chand ko kaam per laga diya, har aik muqarar waqt tak chalta rahega aur jo kuch tum ker rahe ho Wo us se bakhabar hai (29) Ye is liye keh ALLAH hi haq hai aur Uske ilawa jinhein tum pukarte ho sab baatil hain aur ALLAH hi aali shaan aur sabse bara hai (30)..
Reference: Surat-ul-Luqman, verse # 27, 28, 29 & 30..
Quran: Is baat me koi shak nahi keh ye kitab (Quran) Rab-ul-Aalameen ki taraf se nazil kerda hai (2) Kya kufaar-e-makkah kehte hain keh Muhammad ne Quran khud ghaR liya hai, balke ye aapke Rab ki taraf se haq hai, takeh aap is qoum ko daraen jinke pas aapse pehle koi drane wala nahi aaya, shayed wo hidayat paa jaen (3) ALLAH hi hai Jisne zameen-o-aasmaan aur jo kuch inke dermiyaan hai sab kuch 6 dino me peda kiya, phir arsh per qaem hua, Uske siwa tumhara na koi sarparast hai aur na sifarshi, kya tum koi sabaq hasil nahi kerte (4) Wohi aasmaan se zameen tak har maamle ki dekh bhaal kerta hai, phir har baat Uske huzoor us din pesh hogi jis aik din ki miqdaar tumhare hisaab se 1000 saal hai (5)..
Reference: Surat-ul-Sajda, verse # 2, 3, 4 & 5..
Quran: Ye log kehte hain keh “jab hum mitti me rul mil jaengay to kya naye siray se dobara peda kiyey jaengay??” Haqeeqat ye hai keh ye apne Rab ki mulaqaat hi ke munkir hain (10) Aap inse keh dijiyey keh, moat ka farishta jo tum per muqarar hai tumhari rooh qabz ker lega phir tum apne Rab ki taraf lotaye jaogay (11) Kash aap dekhein jab mujrim apne Rab ke huzoor sar jhukaye kharay hongay (aur kaheingay) “Ay hamare Rab humne dekh aur sun liya lehaza hamein wapis bhej de keh hum achay amal karein, ab hamein yaqeen aagaya hai” (12) Agar HUM chahte to (pehle hi) har shakhs ko hidayat de dete lekin Meri baat puri hoke rahegi keh ME jahanum ko jino aur insano sabse bhar dunga (13) Pas ab is baat ka zaiqa chakho jo tumne is din ki mulaqaat ko bhula diya tha, ab Humne tumhain bhula diya hai aur jo tum kerte rahe uske silay me hamesha baqi rehne wale azaab ka maza chakho (14)..
Reference: Surat-ul-Sajda, verse # 10, 11, 12, 13 & 14..