Come And Lets Read The 'Holy Qur'an' - With Translation

Society Religion & Philosophy
201

Re: Come And Lets Read The ‘Holy Qur’an’ - With Translation

Quran: Bilashuba jo mujrim ban ker apne Rab ke paas qayamat ke din aayega uske liye jahanum hai jahan na mot hogi na zindagi.

Reference: Surat-ul-Taha, verse # 74.

202

Re: Come And Lets Read The ‘Holy Qur’an’ - With Translation

Quran: Aur jo momin ban ker aayega aur aimaal bhi naik kiyey hon to aise hi logon ke liye buland darjaat hain.

Reference: Surat-ul-Taha, verse # 75.

203

Re: Come And Lets Read The ‘Holy Qur’an’ - With Translation

Quran: Aur jo meri yaad se munh morega to uski zindagi tang hojaegi aur qayamat ke din hum isay andha kerke uthaengay (124) Wo kahega: Ay mere Rab, tunay mujhe andha kerke kyun uthaya duniya me to main khoob dekhne wala tha (125) ALLAH farmaega: jaise hamari aayaat tumhare paas aaien to tunay unhein bhula diya isi tarha aaj tu bhi bhulaya jaega (126)

Reference: Surat-ul-Taha, verses # 124, 125 & 126.

204

Re: Come And Lets Read The ‘Holy Qur’an’ - With Translation

Quran: Aur humne zameen me pahaaR bnaye takay wo inhein lekar hichkolay na khaye neez isme wasee raahein bna dein takay log raasta maloom karein (31) Aur aasmanon ko aik mehfooz chatt bnaya phir bhi ye log ALLAH ki nishaniyon ki taraf matwajah nahi kerte (32) Wohi to hai jisne raat aur din aur suraj aur chand ko paida kiya, ye sab apne apne madaar me tair rahe hain (33).

Reference: Surat-ul-Anbiya, verses # 31, 32 & 33.

205

Re: Come And Lets Read The ‘Holy Qur’an’ - With Translation

Quran: Beshak ye Quran to wo raasta dikhata hai jo sabse seedha hai aur jo log imaan laaye aur naik amal kerte hain unhein khushkhabri deta hai keh unke liye bohat bara ajar jai.

Reference: Surat-ul-Bani-Israel, verse # 9.

206

Re: Come And Lets Read The ‘Holy Qur’an’ - With Translation

Quran: Aur Humne har aadmi ka aimaal-nama uski gardan me latka diya hai jisay Hum qayamat ke din aik kitab ki shakal me nikaleingay jisay wo apne samne khuli hui paayega (13) Hum kaheingay, Lay! khud hi apni kitab aap parh le, aj tu apna hisab khud hi kerne ko kafi hai (14).

Reference: Surat-ul-Bani-Israel, verses # 13 & 14.

207

Re: Come And Lets Read The ‘Holy Qur’an’ - With Translation

Quran: Aur zina ke qareeb bhi na jao kyunke wo behayai aur bura raasta hai.

Reference: Surat-ul-Bani-Israel, verse # 32.

208

Re: Come And Lets Read The ‘Holy Qur’an’ - With Translation

Quran: Yahan tak keh jab yajooj aur majooj khol diyey jaengay aur wo bulandi se neche ko dortay aaengay (96) Aur sacha wada (qayamat) nazdeek aajaega us waqt kafiron ki aankhein yakayak pathra jaengi wo kaheingay afsos! hum to is (sachay waday) se ghaflat me hi paray rahe balke hum khatakaar thay (97).

Reference: Surat-ul-Anbiya, verses # 96 & 97.

209

Re: Come And Lets Read The ‘Holy Qur’an’ - With Translation

Quran: Jo khush-haali aur tangdasti (har haal) me kharch kerte hain aur ghussa ko pee jate hain aur logon ko maaf ker dete hain aur ALLAH aise hi naik logon se muhabbat rakhta hai.

Reference: Surat-ul-Aal-e-Imran, verse # 134.

210

Re: Come And Lets Read The ‘Holy Qur’an’ - With Translation

Quran: Logo! Apne Rab se darte raho bilashuba qayamat ka zalzala bari holnaak cheez hai (1) Us din tum dekhogay keh har doodh pilane wali apne doodh peetay bachay ko bhool jaegi aur har hamlah apna hamal gira degi aur tum logon ko madhosh dekhogay halakeh wo madhosh nahi hongay balkeh ALLAH ka azaab hi bara shadeed hoga (2).

Reference: Surat-ul-Hajj, verses # 1 & 2.

211

Re: Come And Lets Read The ‘Holy Qur’an’ - With Translation

Quran: Kya tum dekhte nahi keh jo kuch aasmaanon me hai aur jo kuch zameen me hai aur suraj, chand, sitaray, pahar, darakht, chowpaye aur logon ki aik kaseer tadaad ALLAH ke hazoor sajda ker rahe hain aur bohat se aise log bhi hain jo azaab ke mustahiq ho chuke hain aur jisay ALLAH khuaar kare usay koi izzat dene wala nahi bilashuba ALLAH wohi kuch kerta hai jo wo chahta hai.

Reference: Surat-ul-Hajj, verse # 18.

212

Re: Come And Lets Read The ‘Holy Qur’an’ - With Translation

Quran: Ye do fareeq hain jinhon ne apne Rab ke baare me jhagra kiya, unme se jinhon ne kufar kiya unke liye aag ke kapray bnaye jaengay aur inke saron per upar se kholta hua pani dala jaega (19) Jis se unki khaalein aur wo kuch bhi jo inke paiton me hai gal jaega (20) Neez unke liye lohay ke koray hongay (21) Jab bhi wo gham ke maray jahanum se nikalna chaheingay to usi me lota diyey jaengay aur unse kaha jaega keh chakho ab jala dene wale azaab ka maza (22).

Reference: Surat-ul-Hajj, verses # 19, 20, 21 & 22.

213

Re: Come And Lets Read The ‘Holy Qur’an’ - With Translation

Tafseer of these verses…

Ye do groh wo hain jinme se aik fareeq wo jo Anbiya ki baat manta hai, dusra wo jo Anbiya ki dawat ka inkaar kerta hai, in dono ke dermiyan apne Parwardigar ke baare me jhagra aur tanazeah hai, Momino ka groh kehta hai keh ALLAH Wahdahu Laa Shareek hai US ka koi saajhi nahi. Kafir groh ALLAH TA’ALA ke shareek thehrata hai. Lehaza jin logon ne kufar ki rawish akhteyar ki unke liye jahanum ki aag ke libaas tayar hain yani aatish-e-jahanum unke jismon ke saath kapray ki tarha chimat jaegi aur unke saron per kholta hua pani dala jaega (19)

Shidat-e-Hararat ki waja se unke jisam ki khaalein aur pait ke andar ki aantein tak gal ker pighal jaengi. (20)

Aur unko azaab aur saza dene ke liye lohay ke baray baray gurz (hunter) Farishton ke haathon me hongay jinse kafiron ki khabar lengay. (21)

Dozakh me jane wale kafir jab dozakh se nikalne ki koshish kareingay takay is azaab-e-naar se chutkara hasil ker sakein , abhi wo dozakh ke darwazon per qadam rakhte hongay keh Farishte gurz (hunter) maar maar ker dozakh me wapis dhakail deingay aur kaheingay keh jao ab is jalne ki saza ka maza chakho. (22)

214

Re: Come And Lets Read The ‘Holy Qur’an’ - With Translation

Quran: Bilashuba jo log kafir hain aur logon ko ALLAH ki raah aur Masjid-e-Haraam se rokte hain jisme HUM ne wahan ke bashindon aur bahir se aane walon ke liye braber ke haqooq rakhay hain aur jo koi isme ALLAH ki hadood ko tajawuz kerte huye shirk aur biddat ki raah ikhteyar karega HUM usay dardnaak azaab ka maza chakhaengay.

Reference: Surat-ul-Hajj, verse # 25.

215

Re: Come And Lets Read The ‘Holy Qur’an’ - With Translation

Quran: ALLAH ki toheed ko mantay huye Uske saath kisi ko shareek mat bnao, jis shakhs ne ALLAH ke saath kisi ko shareek bnaya to wo aise hai jese aasmaan se giray phir isay parinday uchak le jaen ya hawa usay kisi door-draaz muqaam per phenk de.

Reference: Surat-ul-Hajj, verse # 31.

216

Re: Come And Lets Read The ‘Holy Qur’an’ - With Translation

Quran: Logo! Tum se aik misaal beyaan ki jati hai isay ghor se suno, jin logon ko tum ALLAH ke siwa pukarte ho wo agar saray ikathay bhi hojaen to aik makhi bhi peda nahi ker sakte aur agar makhi unse koi cheez cheen ker le jaye to is se churwa bhi nahi sakte, wo chahne wala bhi aur jis se madad talab ki jaa rahi hai wo dono kamzor hain.

Reference: Surat-ul-Hajj, verse # 73.

217

Re: Come And Lets Read The ‘Holy Qur’an’ - With Translation

Quran: Imaandar log kaamyaab hogaye (1) Jo apni namaz me aajzi kerte hain (2) Aur jo bekaar aur behuda baaton se parhaiz kerte hain (3) Aur jo zakaat ada kerte hain (4) Aur apni sharam-gaahon ki hifazat kerte hain (5).

Reference: Surat-ul-Mominoon, verses # 1-5.

218

Re: Come And Lets Read The ‘Holy Qur’an’ - With Translation

Quran: Ye log azaab ke jald aane ka mutalba kerte hain halakeh ALLAH kabhi apne waday ke khilaf nahi kerta magar tumhare Rab ka aik din tumhare shumaar ke hisaab se hazaar saal ka hota hai…

Reference: Surat-ul-Hajj, verse # 47.

219

Re: Come And Lets Read The ‘Holy Qur’an’ - With Translation

Quran: Sab tareef ALLAH ke liye hai jisne apne bande per ye kitaab nazil ki aur isme koi kasar baqi nahi chori (1) Ye seedha raasta btane wali hai takay logon ko ALLAH ke sakht azaab se draye aur momino ko khushkhabri de dijiyey ke unke liye acha ajar yani jannat hai (2).

Reference: Surat-ul-Kahf, verse # 1 & 2.

220

Re: Come And Lets Read The ‘Holy Qur’an’ - With Translation

Quran: Wohi to hai Jisne tumhain kaan, aankhein aur dil ata kiyey magar tum kam hi shukar-guzar hote ho (78) Aur Wohi zaat hai Jisne tumhain zameen me peda kiya hai aur Usi ki taraf tum ikathay kiyey jaogay (79) Aur Wohi hai jo tumhain zinda kerta aur marta hai aur raat aur din ka baari baari aate rehna Usi ke qabza-e-qudrat me hai kya tum kuch nahi samajhtay (80)

Reference: Surat-ul-Mominoon, verses # 78, 79 & 80.