**Chota Sa Ik Gaon Tha Jisme
Diyay Thay Kamm Aur Bohot Andhera
Bohot Shajjar Thay, Thoray Ghar Thay
Jinko Tha Doori Ne Ghaira
Bohot Qadeem Firaaq Tha Jisme
Aik Muqarrar Hadd Se Aagay
Soch Na Sakta Tha Dil Mera
Itni Bari Tanhaiee Thi Jisme
Jaagta Rehta Tha Dil Mera
Aisi Surat Me Phir Dil Ko
Dheyaan Aata Kis Khwab Me Tera
Raaz Jo Hadd Se Barh Ker Tha
Apna Aap Dikhata Kese
Sapne Ki Bhi Hadd Thi Aakhir
Sapna Aagay Jata Kese
“Munir Niazi”
**
Re: Chota Sa Ik Gaoon…
**Sapne Ki Bhi Hadd Thi Aakhir
Sapna Aagay Jata Kese
**
iss se mujhe Gulzar ki ye nazm yaad aai hay
aankhon ko visa nahi lagta,
sapno ki sarhad nahi hoti
band aankhon se roz main
sarhad paar chala jaata hun
milne “Mehdi Hasan se”
sunta hun unki awaz ko chot lagi hai
aur ghazal khamosh hai saamne baithi hui
kaanp rahe hain hoonth ghazal ke
phir bhi un aankhon ka lehja badla nahi
jab kehte hain…
sukh gaye hain phool kitaabon mein
yaar “faraaz” bhi bichad gaye hain,
shayad mile woh khwabon mein
band aankhon se aksar sarhad paar
chala jaata hun main.
aankhon ko visa nahi lagta,
sapno ki sarhad koi nahi
Re: Chota Sa Ik Gaoon…
nice :k: