ap sab ki nazar yeh khobsurat si nazm, umeed hae ap ke tawajjuh hasil kar paegi.
**
Tum bahut khwab dekha kartee theen
Tumhari aankhain har dam muskurati rehtee theen
Khwaab bhi kabhi sach huwe hain?
Aankh khulte hi toot jatay hain
Khwaab toot hi gaye naa
Mein ne tu tum se kahaa thaa
Khuwaab mat sajaanaa
Toot kar chaaha tum ne
Magar apni muhabbat na paa sakeen
Aankh mein aansoo aaye
Dil ko tu dard hi mila naa
Mein ne tu tum se kaha thaa
Muhabbat mat karna
Sheerni de kar bhi zehar paaya
Phool daan kiye tu kaante milay
Khuloos ke badlay jafa hi paaee naa
Mein ne tu tum se kaha thaa
Wafa mat karna
Kyon tum ne chaahat ka haath barhaaya
Kya tumhein maloom na thaa
Woh haath na thame ga
Tumhare chooreeyan hi tor de ga
Ab jo khoon ras raha hai
Woh chooreeyan tootne ka ho
Ya dil ke tootne ka
Kallaeyyan tu zakhmi ho hi gaeen naa
Mein ne tu tum se kaha thaa
Chooreyyoon ko tootne mat dena**
Aap to aisay kah rahee hain jaise yeh sab kuch apnee marzee se hota hai? I dont know but its the fact ke muhabbat mein zakham milte hee hain aur woh zakhm buhat piyare hote hain piyar karne walon ko
