**Chehra Mera Tha Nigaheen Us Ki
Khamoshi Main Bhi Wo Baatein Us Ki
Meray Chehray Pay Ghazal Likhti Gaii
Sher Kehti Hoi Aankhain Us Ki
Shokh Lamhon Ka Pata Denay Lagi
Taiz Hoti Hoi Saansay Us Ki
Aisay Mousam Bhi Guzara Hum Nay
Subhain Apni Thi Shamain Us Ki
Dehaan Main Us Kay Yeh Aalam Tha Kabhi
Aankhay Mahataab Ki Yaaday Us Ki
Faislay Mouj -e- Hawa Nay Likhay
Aandhiyaan Meri Baharain Us Ki
Neend us Soch Say Tooti Aksar
Kis Tarah Kaati Hain Raatain Us Ki
Door Reh Kar Bhi Sada Rehti Hain
Mujh Ko Thamay Hoe Bahain Us Ki**
Parveen Shakir and Vital Signs. This is quite famous ghazal of Parveen Shakir, which is popular in India too. Khalid Mehmood used that in backgrounds of his movie 'Zubeda' in Karishma Kapoor's voice
