Chandni ki talaas mai bhatke hai raat bhar
Taaro ke saath saath ham jaage hai ratbhar
Ranjish hai ya ishq hai kuchh to jarur hai
Lekar hamaara naam vo siske hai raat bhar
Khamosh hai vo ye kahi ikrar to nahi
Khud ko tasalliya vo hi dete hai raatbhar
Judte nahi hai puchh kar chahat ke silsile
Rishte ho bejubaan to sajte hai raat bhar
Din bhar jo sirf ban ke dhuan ghumte rahe
Baadal meri nigaah ke barse hai raatbhar
Milti nahi jagah kahi tanha sukun ki
Khwaabo ke anjuman ko tarse hai raatbhar
Gam se bachaane unko aankho mai chhupa liya
Nazre unke didar ko ab tadpe hai raat bhar
Hamne unko apne khali dil mai basa liya
Ab Vo bhi hai dil ka hissa dhadke hai raatbhar