Chand us des mein nikla ke naheen
Jane woh aaj bhee soya ke naheen
Ae mujhe jaagta patee huee raat
Woh meree neend se behla ke naheen
Mujh ko takmeel samajhne wala
Apne ma’yaar mein badla ke naheen
Band kamre mein kabhee meree tarah
Sham ke waqt woh roya ke naheen
Meree khud-daree baratne waale
Tera pindaar bhee toota ke naheen
Alwida sabat huee thee jis par
Ab bhee roshan hai woh maatha ke naheen
(Parveen Shakir)
