chand say menay kaha aay mere ratoon kay rafeeq
tuu kay sar gushta-va-tanha tha sada mere tarah
apnay senay main chupaa’y hoay lakhoon ghaoo
tuu dikhavay kay liay hansta raha mere tarah
zo-fishan husn tera meray hunar ke soorat
our muqadar main andheray ke rida mere tarah
vahee taqder tere mere zameen ke gardish
vahee aflak ka tacheer-e-jafa mere tarah
teray manzer be veran meray khuvaboon jaisay
teray qadmoon main be zanjer-e-vafa mere tarah
vahee sehraa’y shab-e-zest main tanha safre
vahee verana-e-jaan dasht-e-bala mere tarah
aaj kuoon mere rafaqat be giraa’n hay tujh ko
tuu kabhe itna be afsurda na tha mere tarah
chand nay mujh say kaha! aay meray pagal shair
tuu kay muhram hay meray qurya-e-tanhaye ka
tujh ko maloom hay jo zukhm mere rooh main hay
mujh ko hasil hay sharf tere shanasaye ka
mojzin hay meray atraf main ek bahr-e-sakoot
our charcha hay faza main tere goya’ee ka
aaj ke shab meray senay pay vo qabeel uttra
jis ke gardan pay damakta hay lahoo bhai ka
meray daman main na heray heen na sona chande
our bajaz iskay naheen shooq tamanaye ka
mujh ko dukh hay kay na lay jaeen ye dunya valay
mere dunya hay khazana mere tanhayee ka
*