Chand Chehra

ASA · July 2, 2003, 2:12pm

**

Mere Khudaya ! meiN Zindagi kay
Azaab likhun keh Khawab likhun
Yeh mera chehra Yeh meri Aankhain
Bujhay huwe charaagh jaesay
Jo phir say jalnay kay Muntizar hon
Wuh Chand Chehra, Sitaara Aankhain
Wuh Mehrubaan Saaya-daar Zulfain
Jinhon nay Paemaan kiye the mujhsay
Rifaaqaton kay Muhabton kay
Kaha tha mujhsay keh Ae Mussafir Reh-e-wafa ke
Jahan bhi jaae ga ham bhi aain gay saath teray
Banain gay Raaton meiN chandani ham
Tou Din meiN saae bakhaer dain gay
Wuh Chand Chehra, Sitaara Aankhain
Wuh Mehrubaan Saaya-daar Zulfain
Wuh apnay Paemaan Rifaaqton kay muhabton kay
Shikasst kar kay
Najaane abb kis ki Reh-Guzar ka
Minaar-e-Roshni hue hain
Magar mussafir ko kya khabar hay
Wuh Chand Chehra tou bujh geyaa hay
Sitaara Aankhain tou So gaii hain
Wuh Zulfain be-saaya ho gaii hain
Wuh Roshni aur wuh Saae meri atta thay
So Meri Raahon mein aaj bhi hain
Keh mein Mussafir Reh-e-wafa ka
Wuh Chand Chehra, Sitaara Aankhain
Wuh Mehrubaan Saaya-daar Zulfain
Hazaaron Chehron Hazaaron Aankhon
Hazaaron Zulfon ka aik saelaab-e-tund lay kar
Meray Taqub mein aa rahay hain
Har aik Chehra hay Chand Chehra
Hain saari Aankhain Sitaara Aankhain
Tamaam hain Sayya-daar Zulfain
Mein kis ko chahun mein kis ko chumuN
Mein kis kay saae mein baeth jaoun
Bachun keh Toofaan me Doob jaoun
Keh Mera Chehra, na Meri Aankhain
Mere Khudaya ! meiN Zindagi kay
Azaab likhun keh Khawab likhun

**

Amarbail1 · July 2, 2003, 2:24pm

Khoob …:k:

_Masoom_Muskaan · July 2, 2003, 2:42pm

nice he :)

ASA · July 2, 2003, 2:53pm

Shukria.... Amarbail & Masoom Muskaan :)

chand_chehra · July 2, 2003, 5:12pm

lagta hai ap ko ye poem bohat pasand hai :p

Lamhay · July 2, 2003, 5:56pm

bahut khoob!

kkkashifff · July 2, 2003, 6:48pm

*** yeah hansta hoa chehra aur aisi udaas shairi ***

Philanthrope · July 2, 2003, 7:33pm

wah..

HeArT_HaCKeR · July 2, 2003, 7:45pm

bohat achi hai :k::k:

Black_Mamba · July 3, 2003, 8:48am

great AsSweetAs Pa G

:k: :k: :k:

ASA · July 3, 2003, 2:31pm

[QUOTE]
*Originally posted by chand_chehra: *
lagta hai ap ko ye poem bohat pasand hai :p
[/QUOTE]

"bohat" ka lafz iss k liy kam hai....

ASA · July 3, 2003, 2:34pm

[QUOTE]
Originally posted by kkkashifff: *
** yeah hansta hoa chehra aur aisi udaas shairi ***
[/QUOTE]

Unn ki aankhooN maiN bhe tuRee si nami hote hai
baat karty haiN jo auroo ko haNsaany waale

aur janab hamara chehra haNsaany wala hai.....

ASA · July 3, 2003, 2:38pm

thanx
Lamhay
Philanthrope
HeArT HaCKeR
&
Black Mamba

jasmeen · July 3, 2003, 7:38pm

zaber10
wasey who is the poet of this beautiful nazam?

Golden_Scorpion · July 7, 2003, 7:49am

Damra Ugad..

Any how.. Zabardast

ghazal_kisi_ke · July 7, 2003, 9:53pm

zaber10:k::k:
thanks

system · July 7, 2003, 10:48pm

waaaahhhhhh - gotta print it :k: