DUSHMANO MEN MIRE AGHYAAR BOHAT THORE HAIN
AUR APNO MEN MIRE YAAR BOHAT THORE HAIN
CHASHM-E-HERAN LIYE HAR AAN KAMAR BASTA HUN
BACH NIKAL JAANE KE ASAAR BOHAT THORE HAIN
FUN KI DUNYA MEN BHI DOLAT KE PUJARI DEKHE
FUN FAROSHON MEN BHI FUNKAR BOHAT THORE HAIN
HURMA-E-DIN O SHARIYYAT BHI NA MIT JAYE ALI
NO JAWANO MEN BHI KARRAAR BOHAT THORE HAIN
Ali Farhan,
ZAMIN HAI KHOON ALOODA FAZA SEHMI HUI HAI
YE KYA KEH SHEHR KI HAR IK ADA SEHMI HUI HAI
YE KESA WAQT MERE GHAR PE AAKR THAM GAYA HAI
SHABEN TAREEK TAR HAIN AUR ZIA SEHMI HUI HAI
BARI TARTEEB SE HAR SHEY BIGARTI JAA RAHI HAI
KE JIS KE KHOF SE GHAR KI BAQA SEHMI HUI HAI
YATEEMI BARH RAHI HAI TEZ RAFTARI SE GHAR GHAR
TU KHOF-E-BEWGI SE HAR RIDA SEHMI HUI HAI
Ali Farhan,
YE KIS NE SONP DI GHAR KI NIGEHBANI LUTERON KO
KOI IK SHAKHS BHI GHAR MEN MIRE ZINDA NAHI LAGTA
GHUBAAR-O-ZULMAT-O-KHOON MEN GHIRA DIKHTA HAI KAL MUJHKO
HILAAL-E-PARCHAM-E-MILLAT KEH TABINDA NAHI LAGTA
Ali Farhan,
