***Last year January mein ye nazam aap lougon k sath share ki thi,aik bar phir share kerna chahti hoon,this is one of my most favourite poems…HAPPY NEW YEAR TO ALL..
Chalo phir nafraton ki aag ko ikhlas k * Chasmon say dhou dalain Jinhon nay dil ba dil,lamha ba lamha Badgumani kasht ki hay * Un wafa na’ashna sochon ko * Zehnon say khurach dalain Lagain,aaou sab mil jul ker kuch zaitoon ki shakhain Keh jin k shabnami saaye mein khawbon ka basayra ho Jahan had e takhyul tak sawera hi sawera ho Chalo phir rayshmee khawbon, muhabbat khaiz jazbon Oas qatron ki tarah shafaf tar sochon * Ko baham ker k aman ki tafseer ban jaayn Chalo phir mil k hum sab aanay walay dour ki Taqdeer ban jaayn Chalo phir aanay wali Rut ka istaqbal kertay hain! Muhabbat hi muhabbat kasht ab k SAAL kertay hain!! Sunno logo! * Keh ab k SAAL hum sab ko sitaron ki zaroorat hay Baharon ki zaroorat hay * Zara socho tou aapas k saharon ki zaroorat hay Chalo phir aanay wali Rut ka istaqbal kertay hain!! Muhabbat hi muhabbat kasht ab k SAAL kertay hain!!!***