~CHAHATEIN~
Har kisi ko duniya mein shoharatein nahin milti
zindagi ke lanhon ki qeematein nahin milti
Fatah ki khuwahish mein amal bhi to lazim hai
sirf kuch iradon se qismatein nahin milti
Faislay yeh chahat ke aasmano mein hote hain
Do dilon ke milne se qismatein nahin milti
Deen o Duniya ko sath rakhna parta hai
Masjidon mein rehne se jannatein nahin milti
Mana ke is zamane mein aur bhi hain hum jaise
har kisi se hum jaisi CHAHATEIN nahin milti