Chahat Main Kiya Duniya Dari Ishq Main Kaisi Majbori
Logo Ka Kiya, Samjhane Do In Ki Apni Majbori,
Mein Ney Dil Ki Baat Rakhi Aur Tu Ney Duniya Walon Ki
Meri Arz Bhi Majboori Thi Un Ka Huqam Bhi Majboori,
Rok Sako To Pehli Barish Ki Bondo Ko Tum Roko
Kachi Mitti To Mehkey Ge, Hai Mitti Ki Majboori,
Jab Tak Hunsta Gata Mausam Apna Hai,Sab Apney Hain
Waqt Parey To Yaad Ajati Hai Masnoi Majboori,
Aik Awara Badal Sey Kyun Main Ney Saya Manga Tha
Meri Bhi Ye Nadani Thi, Us Ki Bhi Thi Majboori,
Muddat Guzri Aek Wadey Per Ajj Bhi Qayam Hai Mohsin
Hum Ney Sari Omer Nibhaye, Apni Pehli Majboori
