Chaar admi bethay hotay hain. Eik uth ker washroom chala jata hai aur baqi baatain karnay lag jatay hain. Eik bolta hai: “Mujhey apney betay sey koi umeed nahin thi key woh zindagi main qamyaabi hasil karay ga magar usney car dealer key tor per kaam shoro kar diya. Ab to uski dealer ship hai aur baray achay paisey banata hai. Isee saal usney apney eik dost ko
uski birthday per Mercedes dee thee.”
Dosra kehta hai: “Mujhey apney larkay sey koi tawaqo nahin thee key woh koi kaam karay ga magar usney gharon ka business shoro kar diya. Ab to woh itna khushhaal hai key usney apney eik dost ko eik ghar bhi khareed kar deeya.”
Teesra bola: “Mera bhi larka koi itna taiz nahin tha magar phir usney apna eik business shoro kar diya aur woh itna chala key usney thora arsa pehlay hee apney eik dost ko 1 million dollar tohfay main diyey thay.”
Itni dair main jo dost washroom gaya hota hai wapis ajata hai aur dekhta hai sab apney beton kee baatain kar rahay hain. Woh kehta hai: “Meray betay ney das saal pehaly hairdresser key tor pey apni professional zindagi ka aghaaz kiya tha. Aur ab bhi woh hair dresser hee hai. Magar uskey dost baray zabardast hain. Abhi uski birthday per usay unsey eik Mercedes, eik ghar aur million dollars milay thay.”
Hairan Pareshan.