SharmageeN muskaan liye
Naina ka ye khwaabeeda roop
Jhilmil kartay nanhay sitaaray
Aanchal meiN bikhray moti hoN jaise
Kal raat bhi pehli raat ki tarha
Holay se chu kar guzar gayi
Jalti, bujhti sachi tammanna
AankheN meechay jagti rahi
Khamoshi se, madhoshi meiN
Gulnaar honthoN pe bas aik hi paighaam tha
Mere Chaand,
Kab aao ge?
Kab aaogay aur hijr ki raat dhalay gi
Kab tumhara roshan chehra meri subho bedaar karega
Dekho, Chaand, kuNwaari raina
Be-matlab si hoti hai
Tanha, bojhal, sulgi-sulgi
Kal raat ki tarha hoti hai
Chalo, nadi tak jaayeN, Chaand
Jal bhi kabse thehra sa hai
Aadhi shab ki dulhan jaisa
Kuch bikhra, kuch entha sa hai
Dekho tu ~Pari~ ne har lamhay ko
Taraasha hai teri hi aarzoo meiN
Suno,
Khirki meiN, mundair ke rastay
Chaand raat mein aana, chaand
Taaron ki baaraat liye
Phir aankh se tum nahi jaana, chaand!
Re: Chaand
channd :hinna:
Re: Chaand
mads yi song suno