chaahat kaa ek meethaa meethaa dard jagaane shaam dhale
teri yaaden aa jaati hain mujhko rulaane shaam dhale
*
teri zulfen in kaandhon par teraa chehraa haathon main
maine bhi dekhe hain kitne khvaab suhaane shaam dhale
*
har din ham se vaadaa karke yoon hi agar tadpaaoge
ik din yoon hi ho jaayenge hum bhi deevaane shaam dhale
*
din ke ujaale main to manaaloon laakh yatan se behlaa loon
lekin dil kaa paagal panchhi ek na maane shaam dhale
**
~~~~*
Hasan Imam
*
*