| AsSalaamu Alaykum wR wB!
A brother has asked me to pass on his contact details to anyone who would like to have their ‘islamic poetry’ published in book that he is compiling. I am unsure of all the ins&outs at this stage however, if you have any work you would like to share or if this is a project you would like to be involved in, send me a PM and I will inshaAllah pass on his email address! |
Re: Calling out to the Muslim Poets!
Kuch arsa pehley thorra, bohat likha tha, deikh lijeeye, samajh aey to Bismillah warna hamaari taraf sey muaazrat :)
(When Iraq war started)
*MeiN marooN ga nahi
*
MeiN marooN ga nahi
maot agar naam hey faqat jism ke fanaa ho jaaney ka
daaera-e-hayaat sey nikal kar tah-e-khaak kho jaaney ka
to meiN marooN ga nahi!
meiN hawaaoN meiN fizaaoN meiN aur khalaaoN meiN
meiN hawaaloN meiN nisaaboN meiN aur kitaaboN meiN
chorr jaaoN ga apni daastaan-e-hayaat
meiN marooN ga nahi!
MeiN apney wajood ke malbey sey khud sametooN ga
apna chehra, apni aaNkheiN, apney baazu aur apna jigar
khaak ke zarroN sey nichorooN ga apney lahu ka ik ik qatra
aur apni akaaiyoN ko ik baar phir sey ikattha kar ke
apni pastiyoN sey apna aap phir taraashooN ga
meiN marooN ga nahi
meiN,
hargiz marooN ga nahi!
By: Amal
Aaj ka musalmaan
Uljhey huwey afkaar aur behka huwa shaoor
ghat’ti hui gheirat aur barrhta huwa gharoor
meeraas-e-nasb-o-nasq yani fann-e-harb jis ka
lamha-ba-lamha hathoN sey nikalta huwa aboor
behti hui ganga meiN haath dhoney ki khaahish
har jatey lamhey neeyatoN meiN aata huwa fatoor
Ye meiN hooN merey dosto – aaj ka musalmaan
Haathon meiN ik Kitaab ke siwa kuch bhi nahi hey
aankhoN meiN ik khaab ke siwa kuch bhi nahi hey
wo khaab jo merey ajdaad ki himmat ka ameeN hey
wo himmat merey baazuoN meiN aaj jis ki kami hey
maazi ke mazaaroN pe jesey katboN ke nishaaN heiN
maathey pe merey ultey seedhey sajdoN ke nishaaN heiN
Ye meiN hooN merey dosto – aaj ka musalmaan
Wo “dasht-o-darya” meiN ghorroN ko dorraney waala
mahjabeenoN ki zulfoN meiN phaNcha bettha hey
kal ka “shaheen,” pahaarroN pe tha thikaana jis ka
aaj husn waloN ke daaman sey laga bettha hey
jo Arb ke sehraoN sey nikla tha le ke aafaaqi payaam
wo imaan-o-taqaddus ke asbaaq bhuley bettha hey!
Ye meiN hooN merey dosto – aaj ka musalmaan
By: Amal
Re: Calling out to the Muslim Poets!
I really like the second one Amal.
Re: Calling out to the Muslim Poets!
My pleasure :)
Re: Calling out to the Muslim Poets!
JazakAllah- they are very powerful pieces of work mashaAllah... :)
Sister, do you have any work in English, too?