bujhaa diye hai.n KHud apne haatho.n mohabbato.n ke diye jalaa ke
mirii vafaa ne ujaa.D dii hai.n ummiid kii bastiyaa.n basaa ke
tujhe bhulaa de.nge apne dil se ye faisla to kiyaa hai lekin
na dil ko maaluum hai na ham ko jiye.nge kaise tujhe bhulaa ke
kabhii mile.nge jo raaste me.n to mu.nh phiraa kar palaT pa.De.nge
kahii.n sune.nge jo naam teraa to chup rahe.nge nazar jhukaa ke
na sochne par bhii sochtii huu.n ki zindagaanii me.n kyaa rahegaa
tirii tamannaa ko dafn kar ke tire KHayaalo.n se duur jaa ke
