Kabhi fursat mein aaoo tu meri ek nazam se milna
Magar is nazam ka dhaaga
Tumhari yaad ka lehja badalte hi
Na jaane kyon ulajh kar toot jaata hai
Tabhi tu is ki satrain ja ba ja bikhri huwi hain
Koi takeye ki shiknoo mein bahut tooti huwi
Neendoon ki aankhoon mein pari hain
Koi dhehleez per aahat ki baali kaan mein daale khari hai
Koi rukhsaar pe aansoo ki surat jum gaee hai
Koi dil se laboon tak aate aate tham gaee hai
Koi bookshelf mein bechain haathoon se utha kar
Bin parhay rakhi kitaaboon mein pari hai
Koi ehsaas ki aankhoon mein kankar ki tarah atki huwi hai
Koi us adh-jallay cigeratte mein lipti gaee hai
Jissay jaane ki jaldi mein peye bin ashtray mein tum ne chora thaa
Zeyaan ki dhool ban kar paoon se lipti hain kuch satrain
Kaheen ek satr ke ander shikasta maan se bheegi huwi palkain pari hain
Kaheen ek satr mein woh chaand atka hai
Mere kamre ki khirki se jissay tum dekh kar
Sheeshe se uljha chor aaye thay
Koi ek satr us chai ki pyali mein pari hogi
Peye jaane ki khwaahish mein jo table per hi rakhi reh gae thee
Kaheen ek satr mein khwaaboon ka woh rasta bhi rakha hai
Mein jis per apni aankhain bhool aaee hoon
Kaheen ek satr ke ander meri woh saans rakhi hai
Tumhare be-nishaan masroofeyat ke bojh se
Jis ko mein ab tak ji nahee paaee
Koi ek satr shayad daakeye ki cycle ki chain mein uljhi huwi hai
Tumhara khat leye bin is sarak per kyon woh aata hai
Zara sa ghaur se sun’naa
Receiver mein tumhare phone ki shayad meri aawaz rakhi ho
Issay ab parcel kar do tu mein is se bhi
Kuch bheegi huwi satrain bana loongi
Abhi dil ki hatheli per bhi kuch satrain pari hain
Bahut naazuk hain, lafzoon se chuwa tu toot jaayengi
Koi in muntazir aankhoon mein rakhi hai
Jinhain tum apna keh kar bhool bethay ho
Yaheen ek satr ki aankhoon mein mera khwaab rakha thaa
Tumhaari berukhi ke paaon se kutchla para hai
Mere is khwaab ka taawaan kya doge … ?
Suno…
Is nazm ka unwaan kya doge…?
Re: ~Bilaunwaan~
[QUOTE]
*Originally posted by Amarbail: *
Kabhi fursat mein aaoo tu meri ek nazam se milna
Magar is nazam ka dhaaga
Tumhari yaad ka lehja badalte hi
Na jaane kyon ulajh kar toot jaata hai
...
Zeyaan ki dhool ban kar paoon se lipti hain kuch satrain
Kaheen ek satr ke ander shikasta maan se bheegi huwi palkain pari hain
Kaheen ek satr mein woh chaand atka hai
Mere kamre ki khirki se jissay tum dekh kar
Sheeshe se uljha chor aaye thay
...
Yaheen ek satr ki aankhoon mein mera khwaab rakha thaa
Tumhaari berukhi ke paaon se kutchla para hai
Mere is khwaab ka taawaan kya doge ... ?
Suno...
Is nazm ka unwaan kya doge...?
[/QUOTE]
Bohat pur'asr nazm hey, intehaai khoobsoorat manzar'kashi ke saath. Thanx for sharing. Aur aek request karni thi aap sey, please nazm ko center mat kia kareiN, left par hi rehney dia kareiN...just a request. thanx :)
Amal:
I hope you'll find it better now...
nice :k:
zabardust bahot khoobsorat amarbail :~)
reminds me this ...
ajeeb hai iss sey judai key baad ka lamha
key jaisey tark e taluk ko aik zamana hua
dhali hai raat chalo apnay ghar ko ho aieen
key laut aienge darvaza gur khula na hua ...
sorry agur posting key javab ye shair nagavar guzre..mazrut
[QUOTE]
*Originally posted by Anchaal: *
reminds me this ...
ajeeb hai iss sey judai key baad ka lamha
key jaisey tark e taluk ko aik zamana hua
dhali hai raat chalo apnay ghar ko ho aieen
key laut aienge darvaza gur khula na hua ...
sorry agur posting key javab ye shair nagavar guzre..mazrut
[/QUOTE]
Anchaal
You really dont' need to apologize infact I am thankful to you for sharing your excellent words in my thread... Keep sharing 'em and thanks for your appreciation....
Bichar ke bhi mujhe tujhse yeh badgumaani hai
Ke meri yaad kabhi tu tujhe bhi aani hai
Har ek shaks apna bana ke dekh liya
Milenge na ab kisi se yeh dil ne thaani hai
Shajjar udaas hai chereyoon ke cheh'chahay gum sum
Ke tere baad yeh tanha si zindagaani hai
[QUOTE]
*Originally posted by Amarbail: *
Anchaal
You really dont' need to apologize infact I am thankful to you for sharing your excellent words in my thread... Keep sharing 'em and thanks for your appreciation....
Bichar ke bhi mujhe tujhse yeh badgumaani hai
Ke meri yaad kabhi tu tujhe bhi aani hai
Har ek shaks apna bana ke dekh liya
Milenge na ab kisi se yeh dil ne thaani hai
Shajjar udaas hai chereyoon ke cheh'chahay gum sum
Ke tere baad yeh tanha si zindagaani hai
[/QUOTE]
excellent words :~) thanx
yehan logh juld mind kerjtey hein :~) so thanxx