Bila Jawaz Rakhein Khud Ko Beqaraar Bhi Kiyon
Jo Tu Nahi Hai To Phir Tera Intezar Bhi Kiyon
Akelay Pan Ka Safar Jab Mera Muqaddar Hai
To Phir Aae Wada Shikan Teri Rahguzaar Bhi Kiyon
Usay Ganwa K Raho Ab Khizao`n Ki Zad Mein
Jo Woh Nahi Hai To Phir Mausam-e-Bahar Bhi Kiyon
Ager Bhulaye Huye Us Ko Aik Umr Hui
To Phir Ye Aaj Tabiyat Hai Sogawaar Bhi Kiyon
Woh Jin Labo`n Pe Yaqeen-e-Wafa Mehak Na Sakay
Phir Un K Lams Ki Khuwahish Ho Aik Baar Bhi Kiyon
Jab Us Ko Shoq Tha Rasto`n Ki Dhool Honay Ka
Palat K Dekhta Jata Tha Baar Baar Bhi Kiyon
-=EnD=-
Noshi Geelani
…
