bil-Aakhir Yeh Haseen Manzar Mita Dena hi Parta Hai
Kisi ke Sar ko Shaaney se Hata dena hi parta hai
Jo saansoo’n mein mehaktey hain Jo Aankhoo’n mein damaktey hain
Achaanak aik Din unn ko Bhula dena hi Parta hai
Diye jo Ham Jalaatey hain Nihaayet Shoq se Har Shab
Unhein Khud Apni Phoonkoo’n se Bujha dena hi Parta hai
Koi jab Haal Poochay Ham se , Kaisa haal hai Sajid
Hamein Mohtaat ho kar Muskura dena hi parta hai