**Agar Kabhi Meri Yaad Aye
To Chaand Raaton Ki DilGeer Roshni Main
Kisi Sitare Ko Dekh Lena
Agar Woh Nakhl Falak Se Ur Ker
Tumhare Qadmon Main Aa Gire
To Yeh Jaan Lena Woh Istiyarah Tha Mere Dil ka
Or Agar Na Aye!
Magar Yeh Mumkin Hi Kis Tarha Hai
Ke Kisi Pe Tum Nigah Daalo
To Uski Dewaar e Jaan Na Toote
Woh Apni Hasti Na Bhool Jai
Agar Kabhi Meri Yaad Aye
Gureez Karti Hawaon Ke Lehron Pe Haath Rakhna
Main Khushboun Main Tumhe Milonga
Mujhe Gulaabon Ki Pattiyon Main Talaash Karna
Main Ous Qatra Ke Ayeno Main Tumhe Milonga
Agar Sitaaron Main,Ous Khushboun Main
Na Paao Mujhko
To Apne Qadmon Main Dekh Lena
Main Gard Hoti Musafaton Main Tumhe Milonga
Kahin Pe Roshan Chiragh Dekho To Jaan Lena
Ke Har Patange Ke Saath Main Bhi Sulag Chuka Hon
Tum Apne Haaton Se Un Patango Ki Khaak Dariya Main Daal Dena
Main Khaak Ban Ker Samandaron Main Safar Karunga
Kisi Na Dekhe Hoye Jazeereh Pe Ruk Ke Tumhe Sadaain Dunga
Samandaron Ke Safar Pe Niklo..
To Us Jazeereh Pe Kabhi Utarna…!!
Karray Hain Hijar k Lamhaat,Uss Se Keh Dena
Bikhar Rahi Hay Meri Zaat,Uss Se Keh Dena**