**
Terey firaaq k lamhay shumar krtey huwey
Bikhar chalay hain tera intezar krtey huwey
To main b khush hoon koi us se ja k keh dena
Agar wo khush hai mujhe beqarar krtey huwey
Tumhain khabar hi nahi hai k koi toot gaya
Muhabbaton ko bohat paidaar krtey huwey
Main muskurata hua aainey mein ubhroon ga
Wo ro prray gi achanak singhar krtey huwey
Mujhey khabr thi k ab laut kr na aaonga
So tujh ko yaad kiya dil pe waar krtey huwey
Wo keh rahi thi k samandar nahi hain aankhain hain
Main un mein doob gaya aitbaar krtey huwey
Bhanwar jo mujh mein prray hain wo main hi janta hoon
Tumharey hijr ke darya ko paar krtey huwey**
