Bichar kr tujh se zinda hoon meri taqdeer tou dekho
Kabhi aa kr mere halaat ki tasveer tou dekho
Mujhe mehfil mein dekha tou kaha us ne raqeboon se
Mera aashiq, mera paagal, mera dargeer tou dekho
Teri tasveer ke peeche hain jaalay bewafayi ke
Ullat kar tum zara apni, kabhi tasveer tou dekho
De kr pyar ki daulat khareeday khoon ke aansu
Milli jo ishq mein, zara jageer tou dekho
Likha hai naam saahil ka shararat hai raqeboon ki
Yeh khat mera nahi janaan, zara tehreer tou dekho