Judaee dene walay tum se umeed-e-wafa kaisi
Ta’alluq toot jaaye jab
Muhabbat rooth jaaye jab
Tu phir rasm-e-dua kaisi
Millan ki iltijjaa kaisi
Bhanwar mein daulti kashti pe saahil ki tamanna kya
Ikharte saans hon tu zindagi ki aarzoo bhi kya
Jo manzil kho chuki ho us ki phir se justujoo bhi kyon
Razae dost per acha sar-e-tasleem kham karna
Sisakne se yehi behtar hai na umeed hi marna
Magar dil ne tumhein kis wastay se yaad rakha hai
Tumhein kyon shaaeri mein aaj tak abaad rakha hai
Abhi tak mein ne kyon khud ko bahut barbaad rakha hai
Hawa ke dosh per kyon naghma-e-fareyaad rakha hai
Judaee dene walay aashnaii ki qasam tum ko
Tumhari bewafai, kajj addaii ki qasam tum ko
Mujhe itna bata dena…
Wafa ki chaahatoon ki masha’llain kaise bhujaatay hain
Nishaan kaise mitaatay hain
Bhulaana ho jinhain unko bhala kaise bhulaatay hain
bahut khoob !
zabardast:k:
Bohat achi hai :)
Beautiful :k::k::k: