***Bhuji chingarian sulga rahe ho
usey kyun ahina dikhla rahe ho
men apni aag men khud jal bhujon ga
mujhey kyun is tarah tarpa rahe ho
kisi ke dil ko shaid chheed dalen
wo baten jin pe tum itra rahe ho
tahulaq torna haq he tumhara
to phir kyun is qadar ghabra rahe ho
tumhari baat sar ankhon pe apni
magar jo ghair se sunwa rahe ho!
udher barish ka mausam aa gaya he
idher tum be tarah yaad aa rahe ho
khushi chhupti nai khalid chhupahe
tum ahisa kis se mil kar aa rahe ho***