Maat iss khawaab ke peechay bhago
bholi larki
mut iss khawaab ke peechay bhago
patther ban ke reh jao gi
taiz bohat hai waqat ka derya
tum bhi iss main beh jao gi
yeh nishter jaisi ruswai
bolo kaise seh pao gi
kya bachon jaisi batoon sey
tum sab ko behla sakti ho
kya tum apnay mann ki mantak
duniya ko samjha sakti ho
khawabon jaisi batain ker key
kya taabeerain pa sakti ho?
baap ki shafqat maan ki maamta
kya sach much thukra sakti ho?
jiss ghar main perwaan cherhi thi tum
iss ghar ko chor ke aa sakti ho?
aaisi batain na mumkin hain
bus tum apni tanhai main
hijar ke geet hi ga sakti ho !
Lamhay!
..