Tumhari bheegti palkon se main ne bareha poocha
k dil k khail main kiya jeetne waley bhi rotey hain
woh jinki chashm-e-khudbeen auron ko dekha neh kerti
bhala kis ghum se dil ke taar main moti parotey hain
Tumhari bheegti palkon se main ne bareha poocha
K kiya manind-e-sheeshA pathar main baal atey hein
asar angez he ab tak muhabbat ka wohi jazba
jo apne hosh mandon ko bhi yoon pagal banata he
Tumhari bheegti palkon se me ne bareha poocha
mizaaj-e-husn main yoon yak ba yak kiya inqilaab aya
sitara dekhna aur dekh ke afsurda ho jana
bari takheer se tum ko sitaron ka hisab aya
Tumhari bheegti palkon se mene bareha poocha
k tark-e-rabt per kiya mujh se wehshi yaad ate hain
taluq torna asaan tha to keun aankh yeh nam he
ana parwar , jafa pesha bhi yoon ansoo bahatey hain?
Tumhari bheegti palkon se mene bareha poocha
k jalne aur jalane main bhala keun lutf ata he
bas ek jhooti ana ke waste barbaad ho jana
khudi ke zoam main insaan kitney dukh uthata he
