bhaNwar meiN kashti kinaara DhooNDta hooN
tere kaaNdhoN ka sahaara DhooNDta hooN
jo milaa saagar meiN kar de mujhko leen
chanchal kisi nadiyaa ki dharaa DhooNDta hooN
tu nahi samjhegaa tujhmeiN ab talaq
dost kyoN vohi dobaraa DhooNDta hooN
teri nazroN meiN na ho mera vajood
tere dil meiN shararaa DhooNDta hooN
jab milaa Tha ammi-abbu ka dulaar
waqt voh phir se piyaraa DhooNDta hooN
zaahid kahe jannat hai teri puraman
teri zamiN pe nazaraa DhooNDta hooN
“Ashk” ke ashkoN ka ho kuchh bhi sabab
tere liye chaaNd taraa DhooNDta hooN